Strand grænlenska línuskipsins Masilik við Gerðistanga á Vatnsleysuströnd kvöldið 16. desember í fyrra er enn til rannsóknar hjá lögreglunni á Suðurnesjum. Þetta kemur fram í svari lögreglunnar við fyrirspurn blaðamanns.

Um tíma var talið að sjópróf þyrftu að fara fram en lögreglan upplýsir að þeirra var ekki þörf og munu þau ekki fara fram. Kveðst lögreglan á Suðurnesjum nú bíða eftir niðurstöðu rannsóknanefndar samgönguslysa.

Alls voru 19 um borð þegar skipið strandaði og var varðskipið Freyja og dráttarbáturinn Hamar kölluð út. Um tíma var talið að hætta væri á að skipið væri að sökkva vegna leka, en við nánari athugun reyndist svo ekki vera. Björgunarskipin Sjöfn, frá Ársæli á Seltjarnarnesi, og Stefnir, frá Hjálparsveit skáta í Kópavogi, sáu um að ferja áhöfnina í land ásamt því að að aðstoða Freyju með að koma dráttartaug yfir í línuskipið.

Vel gekk að losa skipið af strandstað um nóttina og var skipið komið til hafnar um klukkan sjö morguninn 17. desember.

Frétt af mbl.is

Rannsókn hafin á strandi Masilik

Umfang skemmda óþekktar

Hófst rannsókn á tildrögum strandsins um leið og fengu skipverjar um borð stöðu sakbornings, en það merkir þó ekki endilega að slysið hafi borið að með saknæmum hætti. Vitað er til þess að fulltrúar rannsóknarnefndar samgönguslysa hafi rætt við stýrimann og skipstjóra.

Ekki hefur verið upplýst um umfang skemmda á skipinu vegna slyssins, en um tíma var efast um hvort hægt yrði að flytja Masilik frá HAfnarfirði í kví í Reykjavík. Ítrekuðum fyrirspurnum blaðamanns til grænlensku útgerðarinnar Royal Greenland vegna atviksins hefur ekki verið svarað.

Frétt af mbl.is

Skipverjar Masilik fengu stöðu sakbornings

Tengdar fréttir

Strand Masilik

Strandaði vegna aðgæsluleysis og vanrækslu

• Skipverjar Masilik fengu stöðu sakbornings
• Áhættusamt að færa Masilik vegna leka
• Rannsókn hafin á strandi Masilik
• Masilik komið til hafnar í Hafnarfirði

» Fleiri tengdar fréttir

• Blogga um frétt