Vara við sprengingu ofhlaðinna nótapoka

Norska fiskistofan, Fiskeridirektoratet, hefur sent frá sér sérstaka varúðartilkynningu vegna „fleiri atvika þar sem nótapokar ofhlaðnir fiski hafa sprungið“.  Eru norskir sjómenn hvattir til að sýna varkárni og nota sleppingarkerfi á nótinni, sérstaklega á svæðum þar sem fisk er að finna í ríkulegu magni.

Þetta kemur fram í tilkynningu á vef norsku fiskistofunnar.

„Við væntum þess að allir dragnótabátar sem stunda veiðar á svæðum með mikinn fiskþéttleika noti aðferðir til að trakmarka afla til að tryggja eigið öryggi, afla og gæði,“ er haft eftir Rolf Harald Jensen, yfirmanni veiðieftirliti hjá Fiskeridirektoratet.

Jensen segir notkun sleppingakerfisins (fangstbegrensningssystemet) valkvætt en vekur jafnframt athygli á að það er álitið gáleysi eða vanræksla að nýta dragnót sem er búin slíku kerfi og nota það ekki. „Það er á ábyrgð iðkenda að tryggja að þeir komist hjá slíkum atvikum og við munum vera á vettvangi til að athuga hvort þetta gangi vel.“

Rolf Harald Jensen, yfirmaður veiðieftirlits hjá Fiskeridirektoratet

• Blogga um frétt