Veiðiheimildir strandveiða líklega auknar
Setja bókamerki
Tengdar fréttir
Smábátaveiðar
/frimg/1/49/66/1496619.jpg)
Veiðiheimildir sem ætlað er strandveiðum í sumar verða auknar eftir að ríkið náði 1.500 tonnum af þorski fengust í skiptum fyrir 5,3% af uppsjávarfiski. Ekki er hins vegar ljóst hvort þetta verði allt nýtt til að bæta upp fyrri skerðingu heimilda strandveiðanna.
Þetta tilkynnti Svandís Svavarsdóttir, matvælaráðherra, í færslu á Facebook-síðu sinni í síðustu viku.
„Strandveiðar skipta miklu máli fyrir byggðir landsins og það stendur mér nærri að standa vörð um það kerfi samhliða því að hvika hvergi frá því grundvallarsjónarmiði að fylgja vísindalegri ráðgjöf,“ skrifaði Svandís í færslunni.
Það stefndi í 1.500 tonna skerðingu veiðiheimilda strandveiðanna vegna almennrar skerðingu afla í samræmi við ráðgjöf Hafrannsóknastofnunar og óttuðust strandveiðisjómenn að strandveiðarnar myndu stöðvast áður en allir fengu sinn skammt. Þá kvaðst Svandís ekki reiðubúin til að bæta í strandveiðipottinn án þess að slík ákvörðun rúmaðist innan ráðgjöf um hámarksveiði.
Af öllum úthlutuðum veiðiheimildum tekur ríkið 5,3% og úthlutar sérstaklega til stuðnings atvinnu- og byggðaþróunar en uppsjávarfiskur eins og kolmunni og makríl hentar illa í slík verkefni. Í kjölfar ráðgjafar Hafrannsóknastofnunar var ákveðið að verja ákveðna þætti atvinnu- og byggðakvótans og láta skerðingar í þorskkvóta falla á heimildir strandveiða.
Á skiptamarkaði fékk ríkið síðan heimildir í þorski í skiptum fyrir uppsjávarheimildirnar, alls 1.500 tonn. „Ég á enn eftir að taka ákvörðun um hvernig þetta verður útfært en ljóst er að það er svigrúm til að bæta inn í strandveiðipottinn líkt og ég hafði vonast til að geta gert,“ skrifar Svandís.
Tengdar fréttir
Smábátaveiðar
Lífríki Mývatns er að taka við sér
„Ekki gera meira af því sama“
Bensínið kláraðist á N1 á Egilsstöðum
Gæti tilkynnt varaforsetaefnið á hverri stundu
Kourani áfrýjar dómnum
Lögreglustjóri gerður afturreka
Við höfum „runnið til baka niður brekkuna“