Bergey náði 50 kílóa þorski

Veiðin hef­ur gengið vel að und­an­förnu hjá áhöfn­inni á tog­ar­an­um Ber­gey VE sem hélt til veiða á laug­ar­dag en mætti í höfn­ina í Vest­manna­eyj­um með full­fermi í gær. Það vakti lukku um borð þegar gríðar­stór þorsk­ur fylgdi afl­an­um, ef marka má mynd af skæl­bros­andi Vali Val­týs­syni, há­seta.

„Jú, við feng­um óvenju stór­an þorsk und­ir lok síðasta túrs í Háfa­dýp­inu. Þetta var þorsk­ur sem var um 50 kg. að þyngd og um 1,80 að lengd. Hann var gam­all og virðuleg­ur og hef­ur árum sam­an sloppið við net og troll,“ seg­ir Jón Val­geirs­son, skip­stjóri á Ber­gery, í færslu á Face­book-síðu Síld­ar­vinnsl­unn­ar.

Mögu­lega er um að ræða stærsta þorsk árs­ins og fékkst hann á háfa­dýp­inu. Sá stærsti í fyrra var um 51 kíló og náði áhöfn­in á Sól­rúnu EA þeim stóra við Kol­beins­ey.

Frétt af mbl.is

Veiddu 51 kílós þorsk

„Við vor­um mest á Sel­vogs­bank­an­um í túrn­um en skrupp­um í Háfa­dýpið rétt und­ir lok­in. Það hef­ur verið al­veg fín­asta veiði og túr­arn­ir eru ekki lang­ir þegar fisk­ast svona. Núna erum við að toga í Háfa­dýp­inu í leiðinda­veðri. Það er aust­an 18- 20 metr­ar og verður þannig í dag. Síðan held ég að sé betra í kort­un­um. Afl­inn hér er blandaður en þetta er allt mjög góður fisk­ur,“ seg­ir Jón í færsl­unni.

Veiðin hef­ur einnig gengið vel hjá syst­ur­skip­inu Vest­manna­ey VE sem fór á sjó á laug­ar­dag og kom með full­fermi til lönd­un­ar síðdeg­is á sunnu­dag. Vest­manna­ey hélt strax aft­ur til veiða og er gert ráð fyr­ir að skipið komi með full­fermi til Vest­manna­eyja á morg­un.

Náðir þú þeim stóra eða veist um ein­hvern sem hef­ur náð stór­um? Endi­lega sendu okk­ur póst á 200mil­ur@mbl.is

• Blogga um frétt