FISK Seafood mun styrkja Ungmennasamband Skagafjarðar (UMSS) um tíu þúsund krónur fyrir hvern einstakling sem tekur þátt í að fegra strandlengju fjarðarins þann 7. maí næstkomandi.

Greint er frá þessu í tilkynningu á vef útgerðarinnar en þar segir að um sé að ræða sérstakan umhverfisdag FISK Seafood og að markmiðið sé að tína rusl á strandlengjunni á Sauðárkróki, í Varmahlíð og á Hofsósi. Er tínslu lýkur verður þátttakendum boðið veitingar í húsnæði útgerðarinnar á Sauðárkróki.

„Umhverfisdagurinn er samverustund fjölskyldunnar sem hefur það að markmiði að fegra nærumhverfið og styðja við aðildarfélög og deildir innan UMSS. Í ár mun FISK Seafood greiða 10.000 kr. á hvern einstakling sem tekur þátt, inn á reikning aðildafélags/deildar sem þáttakandi óskar,“ segir í tilkynningunni.

Tengdar fréttir

FISK Seafood

Samfélagssporið jókst um 20% milli ára

• Höfnin stendur samkeppnishæfni fyrir þrifum
• Kaupa 100 tonna kvóta af Saltveri
• 300 milljóna króna afla landað á Sauðárkróki
• Ný ytri höfn forsenda uppbyggingar

» Fleiri tengdar fréttir

• Blogga um frétt