Telja Gæsluna misbeita valdi

Skipið Amelía Rose, í eigu Sea Trips Iceland, var að sigla með ferðamenn í hvalaskoðun þegar Landhelgisgæslan stöðvaði skipið og sigldi því í land, þar sem Samgöngustofa taldi skipið hafa siglt of langt út á haf.

Svanur Sveinsson, framkvæmdastjóri og eigandi Sea Trips Reykjavik, segir í skriflegri yfirlýsingu Samgöngustofu og Landhelgisgæsluna hafa haldið sínu fyrirtæki í gíslingu lengi og mismuna því með því að neita að breyta farsviðslínunni, sem hafi verið ákveðin af starfsmönnum Samgöngustofu en ekki með reglugerð eða lögum.

Frétt af mbl.is

„Við teljum okkur alsaklaus“

Taldi málinu lokið eftir á dómur féll

Í dómi héraðsdóms sem féll árið 2020 var Sea Trips sýknað af öllum kröfum hins opinbera varðandi farsvið og farþegafjölda, þar sem talið var að engin reglugerðarákvæði hafi verið brotin með háttsemi fyrirtækisins. Svanur segir óskiljanlegt að skipið sé enn stöðvað eftir að dómurinn féll.

Starfsmenn Landhelgisgæslunnar tjáðu honum þá að ekki yrði unað við dóminn. Þó var dóminum ekki áfrýjað og taldi Svanur því málinu lokið, þar til skipið var aftur ítrekað stöðvað af Landhelgisgæslunni.

Hann segir málið hafa haft mikil áhrif á framtíð fyrirtækisins og afkoma hans, starfsfólks og fjölskyldna sé í hættu vegna óútskýrðrar mismununar af hálfu opinberra stofnana. Þó vonar hann að hægt verði að leysa úr ágreiningnum við Samgöngustofu með einhverjum hætti.

• 2 blogg um fréttina

Bloggað um fréttina

• Örn Ingólfsson: Björgunarvesti?
• Jóhann Elíasson: ÞETTA ER ÞAÐ SEM BENT HEFUR VERIÐ Á MÖRG UNDANFARIN …