Framkvæmdir við gerð minningarreits helgaður þeim sem hafa látist við störf hjá Síldarvinnslunni hófust rétt eftir páska og miðar þeim samkvæmt áætlun, að því er fram kemur í færslu á vef fyrirtækisins. Stefnt er að því að öllum framkvæmdum við gerð reitsins ljúki í sumar.

Reiturinn er á grunni gömlu fiskimjölsverksmiðjunnar sem eyðilagðist í snjóflóði 20. desember 1974, en þá létust sjö. Á þessum stað stendur gamall gufuketill sem verður hluti af reitnum.

Frétt af mbl.is

Vinnsla hófst fyrir 60 árum

Árið 2018 var efnt til samkeppni um útfærslu á reitnum og voru þátttakendur beðnir um að „taka tillit til þess að reiturinn ætti að vera friðsæll og hlýlegur staður og þar ætti að vera aðstaða fyrir fólk til að setjast niður og njóta kyrrðar.“ Jafnframt átti að gera ráð fyrir minningarskildi eða minningarskjöldum um þá sem látist hafa í starfi auk þess sem sögu Síldarvinnslunnar yrði gerð skil.

Átta tillögur bárust og voru þær metnar af dómnefnd. „Niðurstaðan varð sú að tillaga Kristjáns Breiðfjörð Svavarssonar bar sigur úr býtum en einnig hlaut hluti tillögu Ólafíu Zoëga verðlaun. Á grundvelli tillagnanna tveggja hefur Landmótun – landslagsarkitektar séð um hönnun á svæðinu sem minningarreiturinn verður gerður á,“ segir í færslunni.

Framkæmdir við gerð minningarreitsins eru hafnar. Ljósmynd/Síldarvinnslan/Smári Geirsson

Tengdar fréttir

Síldarvinnslan

Fjölnir til Noregs

• Kaup Síldarvinnslunnar ganga til baka
• Sjóvá og Síldarvinnslan áfram í samstarfi
• Samfélagsspor Síldarvinnslunnar yfir 10 milljarðar
• Þorsteinn Már skaut föstum skotum á SKE

» Fleiri tengdar fréttir

• Blogga um frétt