Undirrituð hefur verið viljayfirlýsing á milli Arnarlax og Vesturbyggðar um uppbyggingu nýs hátæknivinnsluhúss fyrir eldisfisk í Vesturbyggð, svo fremi sem samningar nást og allar forsendur standast.

Fram kemur í tilkynningu að samkvæmt viljayfirlýsingunni hyggist Arnarlax reisa nýtt atvinnuhúsnæði á Vatnseyri á Patreksfirði þar sem áætlað er að starfi um 100 manns. Gert er ráð fyrir að unnt verði að vinna allt að 80.000 tonn af eldisfiski í húsinu.

Ekki liggur fyrir að svo stöddu hvenær framkvæmdir geti hafist. Næstu skref eru að ljúka við gerð samninga, teikna upp nýtt deiliskipulag svæðisins og undirbúa framkvæmdir með niðurrifi, flutningi á núverandi starfsemi og uppbyggingu frekari innviða á svæðinu. Jafnframt verður skoðað nánar hvernig núverandi innviðir félagsins á Bíldudal nýtast nærsamfélaginu og fyrirtækinu sem best til áframhaldandi uppbyggingar.

Samkvæmt áformunum verður eldra húsnæði Straumness, sem stendur á lóðinni, rifið og móttökusvæði fyrir úrgang verði flutt. „Gert er ráð fyrir uppbyggingu stórskipakants við Patrekshöfn, uppsetningu biðkvía við höfnina, auk þess sem gerður verði langtímasamningur um greiðslur til sveitarfélagsins í formi aflagjalda,“ segir í tilkynningunni.

Ekkert varð af samstarfi

Um tíma stóð til að Arctic Fish og Arnarlax myndi koma upp sameiginlegu sláturhúsi á Flateyri, en mistök við gerð lóðarleigusamnings gerði það að verkum að afnotaréttur af lóð undir húsnæði Arctic Fish var í höndum samkeppnisaðilans ÍS47 ehf.

Frétt af mbl.is

Reynt að leiðrétta mistök við lóðarleigu

Eftir að ljóst varð að ekkert yrði af sameiginlegu sláturhúsi keypti Arctic Fish, í gegnum dótturfélag sitt, nýbyggingu Fiskmarkaðs Bolungarvíkur að Brimbrjótsgötu 12 í Bolungarvík. Þar hyggst fyrirtækið koma upp laxasláturhúsi, en fyrirtækið hefur talið nauðsynlegt að stöðva þurfi vöxt ef sláturgeta vex ekki í takti við framleiðsluaukninguna.

Þá stefnir Arnarlax, eins og fyrr segir, að því að stækka framleiðsluna á Patreksfirði í kjölfar þess að ekkert varð úr sameiginlegri slátrun á Flateyri.

Frétt af mbl.is

Kaupa fiskmarkað í Bolungarvík undir sláturhús

Tengdar fréttir

Fiskeldi

Telur lúsina sameiginlega áskorun

• Lús smitar út frá kvíum í villta laxa
• Met sett í vinnslunni í október
• Rannsaka mikinn seiðadauða í Fáskrúðsfirði
• 2024 líklegast metár eldisafurða

» Fleiri tengdar fréttir