Hver lumar á forsíðumynd 200 mílna?

Morgunblaðið og 200 mílur hafa ákveðið að leita til dyggra lesenda er kemur að forsíðumynd sjómannadagsblaðs 200 mílna 2022. Efnt hefur verið til ljósmyndasamkeppni. Ljósmyndarinn, sem sendir þá mynd sem valin verður fyrir forsíðu blaðsins, hlýtur ekki einungis þann heiður heldur hlýtur sá einnig 50 þúsund króna gjafabréf á Finnsson bistro í Reykjavík.

Leitað er að fallegum, hrikalegum, mögnuðum og einstökum ljósmyndum af sjónum eða sjósókn. Best er að hafa myndina háa fyrir forsíðuna en það er ekki skilyrði fyrir þátttöku.

Hægt er að skila mynd með því að smella hér eða senda okkur tölvupóst á 200milur@mbl.is.

Alls verða 3 myndir verðlaunaðar:

1. sæti – 50.000. króna gjafabréf á Finnsson bistro og forsíðumynd 200 mílna.
2. sæti – 30.000. króna gjafabréf á Finnsson bistro.
3. sæti – 20.000. króna gjafabréf á Finnsson bistro.

Skilafrestur er til og með 3. júní.