Uppsjávarútgerðirnar eru byrjaðar að undirbúa skip sín fyrir komandi makrílvertíð, en gert er ráð fyrir að vertíðin hefjist um 20. júní. Alþjóðahafrannsóknaráðið hefur lagt til að hámarksafli veiðanna verði tæplega 795 þúsund tonn. Búist er við að útgefið aflamark íslenskra skipa verði 16,5% af heildarkvótanum, eða rúm 131 þúsund tonn, sem er um 7% minna en á síðasta ári.

Í fyrra var aflamark íslenskra skipa í makríl um 140 þúsund tonn, en þar sem illa gekk að ná öllum þeim afla féllu um 10 þúsund tonn niður um áramótin. Útgerðirnar fengu þó heimild frá matvælaráðherra (þá landbúnaðar- og sjávarútvegsráðherra) til að færa allt að 15% af aflaheimildum í makríl milli ára sem ella hefðu fallið niður. Samtök fyrirtækja í sjávarútvegi höfðu farið fram á heimild til flutnings á allt að 30% heimilda.

Frétt af mbl.is

Segja ekki næg rök fyrir færslu makrílheimilda

Eins og 200 mílur hafa ítrekað fjallað um, hefur magn makríls í íslenskri lögsögu minnkað töluvert á undanförnum árum. Þurft hefur að sækja fiskinn langar leiðir, djúpt austur af landinu. Fátt bendir til að annað verði upp á teningnum á þessu ári.

Fátt er um skýringar á hvarfi makrílsins, en hitastig sjávar eða magn átu getur ekki útskýrt hvers vegna makríllinn finnst í minna magni en áður.

Frétt af mbl.is

Hvarf makrílsins flókið viðfangsefni

Skip Síldarvinnslunnar gerð klár

Fram kemur á vef Síldarvinnslunnar að undirbúningurinn sé kominn á fullt. Beitir NK er í Norðfjarðarhöfn, þar sem unnið er að hefðbundnu viðhaldi skipsins auk þess sem það verður málað og snurfusað. Börkur NK kom til Skagen 25. maí. Gert er ráð fyrir að skipið fari í slipp hjá Karstensens skipasmíðastöðinni og framkvæmd verði á því ársskoðun.

Þá fór Barði NK í slipp á Akureyri að lokinni loðnuvertíð og var þar ýmsu viðhaldi sinnt. Meðal annars var vélin tekin upp og skipið málað. Bjarni Ólafsson AK verður settur í geymslu að loknum þrifum, en áhöfnin á Bjarna mun fara yfir á Barða, sem tekur fullan þátt í makrílvertíðinni.

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

• Blogga um frétt