Kaupa Asbjørn og selja Hoffell

Loðnu­vinnsl­an á Fá­skrúðsfirði hef­ur gengið frá samn­ing­um um kaup á danska upp­sjáv­ar­skip­inu As­bjørn HG-265 og sölu á Hof­felli, en bæði skip­in eru kom­in í slipp í Nor­egi. Af­hend­ing fer fram á næstu dög­um, að því er seg­ir í til­kynn­ingu á Face­book-síðu út­gerðar­inn­ar.

Þar seg­ir að As­bjørn sé 14 ára gam­alt skip og því 9 árum yngra en Hof­fell, en hið danska skip mun fá nafnið Hof­fell.

„Nýtt Hof­fell er með 2.530 m3 lest á móti 1.650 m3 í eldra skipi og er 53% stærra, skipið er með 8.100 hestafla vél á móti 5.900 hest­öfl­um og tog­kraft­ur er 40% meiri. Mjög góð aðstaða er fyr­ir áhöfn. Ljóst er að þessi kaup er mikið fram­fara­spor fyr­ir Loðnu­vinnsl­una og byggðarlagið. Þetta er nauðsyn­leg breyt­ing þar sem lengra er að sigla á mak­rílmiðin en áður og langt að sækja síld, kol­munna og loðnu til hrogna­töku,“ seg­ir í til­kynn­ing­unni.

Hof­fell SU á loðnu­veiðum. mbl.is/​Börk­ur Kjart­ans­son

• Blogga um frétt