Sjávarútvegssýningin opnuð í fyrsta sinn í fimm ár

Alþjóðlega sjáv­ar­út­vegs­sýn­ing­in IceF­ish sem fram fer í Fíf­unni í Kópa­vogi var form­lega opnuð í morg­un. Sýn­ing­in mun standa fram á föstu­dag og er bú­ist við þúsund­um gesta en alls eru rúm­lega 380 sýn­end­ur á sýn­ing­unni að þessu sinni.

Við hátíðlega opn­un­ar­at­höfn í Smára­skóla þakkaði Mari­anne Rasmus­sen-Coull­ing, fram­kvæmda­stjóri sýn­ing­ar­inn­ar, sýn­end­um fyr­ir þann stuðning sem veitt­ur hef­ur verið og ekki síst þol­in­mæðina í kjöl­far þess að sýn­ing­unni var í tvígang frestað vegna kór­ónu­veirufar­ald­urs. „All­ir þeir fjöl­mörgu sýn­end­ur og gest­ir sem hér eru koma ekki aðeins vegn­ar hinn­ar miklu gest­risni Íslend­inga, held­ur einnig vegna þess að Ísland er sem fyrr í far­ar­broddi í þróun tækni fyr­ir sjáv­ar­út­veg og vinnslu,“ sagði hún.

BBene­dikt Árna­son, ráðuneyt­is­stjóri í Mat­vælaráðuenyt­inu, opnaði sýn­ing­una. mbl.is/​Krist­inn Magnús­son

Féll Það í hlut Bene­dikts Árna­son­ar, ráðuneyt­is­stjóra í Mat­vælaráðuneyt­inu, að opna sýn­ing­una. Hefðbundið er það ráðherra sjáv­ar­út­vegs­mála sem opn­ar sýn­ing­una, en þar sem rík­is­stjórn­ar­fundi hafði verið frestað frá þriðju­degi til dags­ins í dag komst Svandís Svavars­dótt­ir ekki. Gert er ráð fyr­ir því að hún mæti á sýn­ing­una síðar.

Bene­dikt kvaðst í ræðu sinni vona að sam­bönd­in sem til verða á sýn­ing­unni stuðli að frek­ari vöxt og ný­sköp­un í greinn­ini. Mik­il­vægt væri að halda áframá þeirri braut að auka verðmæti afurða í gegn­um full­nýt­ingu þeirra.

Að form­leg­heit­um lokn­um var far­in sér­stök ferð um sýn­ing­ar­sal­inn með ráðuneyt­is­stjór­an­um og öðrum gest­um, svo sem gesti frá Nor­egi, Fær­eyj­um, Banda­ríkj­un­um.

IceF­ish er hald­in á þriggja ára frestu og er um að ræða þrett­ándu sýn­ing­una und­ir þess­um merkj­um. Síðasta sýn­ing átti að far­ar fram 2020 en var frestað vegna kór­ónu­veirufar­ald­urs og eru því fimm ár liðin frá síðustu sýn­ingu.

mbl.is/​Krist­inn Magnús­son

mbl.is/​Krist­inn Magnús­son

Það er margt að sjá á sýn­ing­unni. mbl.is/​Krist­inn Magnús­son

mbl.is/​Krist­inn Magnús­son

mbl.is/​Krist­inn Magnús­son

• Blogga um frétt