Grynnslin dýpkuð í sumar

Hafn­ar­sjóður Horna­fjarðar­hafn­ar og Vega­gerðin hafa boðið út dýpk­un á sigl­inga­leiðinni um Grynnsl­in, utan við Horna­fjarðarós. Ætl­un­in er að verk­inu verði lokið fyr­ir síld­ar- og loðnu­vertíðir á kom­andi vetri enda hef­ur sand­ur­inn dregið mjög úr mögu­leik­um Skinn­eyj­ar-Þinga­ness að fá afla skipa sinna til vinnslu.

Boðin er út dýpk­un upp á rúm­lega 129 þúsund rúm­metra af efni. Dýpið er nú rúm­lega sjö metr­ar á stór­straums­fjöru en á að fara í 10 metra á sigl­inga­leiðinni. Vign­ir Júlí­us­son, for­stöðumaður Horna­fjarðar­hafn­ar, seg­ir að ekki sé búið að ákveða ná­kvæm­lega hvernig verkið verði unnið, hvort graf­in verði renna inn í ósinn, trekt eða tíg­ull.

Seg­ir Vign­ir að betri sigl­inga­leið nýt­ist upp­sjáv­ar­skip­um við að koma með afla sinn til hafn­ar og flutn­inga­skip­um að fara þaðan með afurðir. Hann tek­ur fram að óvissa ríki um hve lengi fram­kvæmd­in dugi. Þarna sé sand­ur á hreyf­ingu og gera megi ráð fyr­ir að ráðast þurfi í viðhalds­dýpk­un á næstu árum. Þessi sigl­inga­leið hef­ur áður verið dýpkuð.

Nán­ari um­fjöll­un er að finna í Morg­un­blaðinu í dag.