Mat Hafrannsóknastofnunar á stærð ufsastofnsins lækkar um 17% milli ára og telur stofnunin að stofninn hafi verið ofmetinn frá árinu 2018. Vegna sveiflujöfnun í aflareglu lækkar ráðgjöfin hins vegar aðeins um 8% í 71.300 tonn fyrir næsta fiskveiðiár, en gera má ráð fyrir frekari lækkunum á næsta fiskveiðiári.

Þetta kom fram í máli Bjarka Þórs Elvarssonar, tölfræðings hjá Hafrannsóknastofnun, á kynningarfundi stofnunarinnar í dag vegna veiðiráðgjafar hennar fyrir næsta fiskveiðiár.

23% aukning í ýsu

Eins og áður hefur komið fram hefur verið lagt til að hámarksafli fiskveiðiflotans í þorski verði 6% minni á næsta fiskveiðiári eða 208.846 tonn. Búist var við lækkun þar sem Hafrannsóknastofnun gaf slíkt til kynna á síðasta ári þegar hún upplýsti að að þorskstofninn hefði verið ofmetinn í fleiri ár. Án sveiflujöfnun í aflareglu hefði stofnunin lagt til að veiðin yrði minnkuð um 12% og að hámarksafli yrði 195.318 tonn.

Frétt af mbl.is

Beint: Leggja til 6% lækkun í aflamarki þorsks

Stórir árgangar eru á leið inn í stofninn og á því gera ráð fyrir að viðmiðunarstofn þorsks fari hægt vaxandi næstu tvö til þrjú ár.

Ekki voru aðeins neikvæðar fregnir á kynningarfundi Hafrannsóknastofnunar í dag og er lagt til að aflamark íýsu verði 62.219 tonn sem er 23% aukning frá yfirstandandi fiskveiðiári. Jafnframt er gert ráð fyrir að stofninn muni stækka á komandi árum.

Ráðgjöf fyrir grálúðu stendur í stað frá fyrra ári og er 26 710 tonn.

Gera ráð fyrir töluverðri lækkun í gullkarfa

Þá varð töluverð lækkun ío ráðgjöf vegna gullkarfa og fór ráðgjöfin úr 31.855 tonnum í 25.545 tonn. Slök nýliðun hefur verið í tegundinni og hefur hrygnmingarstofninn minnkað umtalsvert á undanförnum árum og mælist við aðgerðarmörk. Gert er ráð fyrir að sókn í stofninn fari ört minnkandi á komandi árum.

Stofnstærð sumargotssíldarinnar lækkar og er ráðlögð hámarksveiði fyrir næsta fiskveiðiár 66.195 tonn sem er 8% minna en á yfirstandandi ári. Vakin er þó athygli á að um er að ræða tvöfalt magn á við fiskveiðiárið 2020/2021.

Tengdar fréttir

Hafrannsóknastofnun

Fátt kom á óvart

• Ráðgjöfin sögð æra óstöðugan
• Þorskstofninn fari hægt minnkandi
• Beint: Ráðgjöf Hafrannsóknastofnunar
• Eflingu rannsókna fagnað

» Fleiri tengdar fréttir

Skerðing veiðiheimilda

„Við höfum ekkert gaman af svartsýni“

• Mikill samdráttur í heildarafla íslenskra skipa
• Skerðing þorskkvóta ígildi veiða 10 togara
• Harðbaki EA lagt en engum sagt upp
• Brynjólfi VE lagt við bryggju og áhöfn sagt upp

» Fleiri tengdar fréttir

• Blogga um frétt