„Þetta eru mikil vonbrigði varðandi þorskinn og ekki í neinu samræmi við aflabrögð og upplifun sjómanna á miðunum,“ segir Örn Pálsson, framkvæmdastjóri Landssambands smábátaeigenda, um ráðgjöf Hafrannsóknastofnunar fyrir næsta fiskveiðiár.

Á kynningarfundi stofnunarinnar, sem fram fór í húsakynnum Hafrannsóknastofnunar að Fornubúðum í Hafnarfirði í gær, var lagt til að aflamark í þorski verði skert um 13.527 tonn fyrir næsta fiskveiðiár sem hefst 1. september næstkomandi.

Frétt af mbl.is

„Ákvarðanir sem taka þarf verða ekki léttvægar“

Grátlegt

Hugsanlega er um að ræða þorskafla að verðmæti 5,2 milljarða króna miðað við meðalverð á óslægðum þorski á innlendum fiskmörkuðum síðustu 30 viðskiptadaga. „Það hvað við megum veiða af þorski er stærsti þátturinn í lífskjörum þjóðarinnar,“ fullyrðir Örn.

Hann segir skerðinguna í algjörri mótsögn við aflabrögð. Máli sínu til stuðnings bendir hann meðal annars á að strandveiðibátar séu nú að fá mun meiri þorsk að meðaltali í hverjum róðri en áður.

„Það er grátlegt að horfa upp á það að hafa farið eftir ráðgjöf stofnunarinnar í áratugi og árangurinn er þannig að okkur er tilkynnt að við megum ekki veiða meira en 200 þúsund tonn. Það þarf alla vega að athuga hvort við séum á réttri leið,“ segir hann.

Myndarleg aukning í ýsu ánægjuleg

Hafrannsóknastofnun leggur til að aflamark ýsu verði 62.219 tonn sem er 23% aukning frá yfirstandandi fiskveiðiári. Jafnframt er gert ráð fyrir að stofninn muni stækka á komandi árum og segir Örn ánægjulegt að sjá myndarlega aukningu í ráðgjöf fyrir ýsu.

Margar útgerðir hafa síðastliðin ár verið að kljást við skort á aflaheimildum í ýsu þar sem fiskurinn er óhjákvæmilegur meðafli á þorskveiðum og sjómenn ahfa sagst orðið varir við mikið af ýsu á miðunum. Örn telur fullt tilefni hafa verið til að auka heimildir í ýsu mun fyrr.

Að sama skapi segir Örn ánægjulegt að sjá aukningu í aflamarki löngu og keilu sem eru einnig tegundir sem fást sem meðafli.

Frétt af mbl.is

Ýsugengd hefur oft valdið erfiðleikum

Tengdar fréttir

Hafrannsóknastofnun

Héldu í 34 daga uppsjávarleiðangur

• Fátt kom á óvart
• Ráðgjöfin sögð æra óstöðugan
• Þorskstofninn fari hægt minnkandi
• Beint: Ráðgjöf Hafrannsóknastofnunar

» Fleiri tengdar fréttir

• Blogga um frétt