Hvalbátarnir héldu til veiða eftir þriggja ára hlé
Setja bókamerki
Hvalbátarnir Hvalur 8 og Hvalur 9 héldu til hvalveiða á hádegi í gær. Langreyður hefur ekki verið veidd hér við land síðan sumarið 2018.
Hvalvertíðin byrjar um svipað leyti nú og hún gerði 2018, að sögn Kristjáns Loftssonar, framkvæmdastjóra Hvals hf. En hvað á að veiða marga hvali í sumar?
„Það fer allt eftir veðri. Ef það verður gott veður þá fáum við meiri afla, en ef það eru brælur þá veiðist minna. Við getum ekkert verið að í vitlausu veðri,“ segir Kristján. Hvalvertíðin stendur í um 100 daga og lýkur venjulega í lok september.
Leyft er að veiða 161 langreyði á ári samkvæmt ráðgjöf Hafrannsóknastofnunar. Við það bætast 20% af kvóta fyrra árs vegna þess að hann var ekki veiddur. Samtals gerir það 193 hvali. Stofninn taldi vel yfir 30.000 hvali síðast þegar talið var.
„Þetta er alveg nóg fyrir okkur, við tökum að hámarki tvo hvali í túr,“ segir Kristján.
Brotin eftir greiningarferlið
Svona voru síðustu dagarnir: „Ég þarf viku“
Joe Biden: Slakur námsmaður sem varð forseti
„Ekkert samtal sem hefur átt sér stað“
Segir umræðuna storm í vatnsglasi
Segir af sér vegna tilræðisins
Sætir ákúrum umboðsmanns