Ný vetnisskip Samskipa hljóta 2 milljarða styrk

Norska rík­is­fyr­ir­tækið ENOVA hef­ur ákveðið að styrkja SeaShuttle-verk­efni Sam­skipa og Oce­an In­finity sem snýr að smíði tveggja vetnis­knú­inna gáma­skipa sem búin eru und­ir sjálf­virkni. Styrk­ur­inn nem­ur 150 millj­ón­um norskra króna, jafn­v­irði tæpra tveggja millj­arða ís­lenskra króna.

Þetta kem­ur fram í frétta­til­kynn­ingu.

SeaShuttle-skip­in, sem verða kúin með 3,2 mega­vatta vetn­israfali, eiga að sigla los­un­ar­laust milli Ósló­ar í Nor­egi og Rotter­dam í Hollandi. Áætlað er að þau verði af­hent fyr­ir árið 2025.

Flutn­inga­fyr­ir­tækið Sam­skip og vél­færa­fræðifyr­ir­tækið Oce­an In­finity leiða verk­efnið en hlut­verk ENOVA, sem er í eigu lofts­lags- og um­hverf­is­ráðuneyti Nor­egs, er að styðja orku­skipti og tækni sem bygg­ir á sjálf­bærri orku.

Mik­il þróun hef­ur átt sér stað í þróun nýrr­ar tækni fyr­ir frakt­flutn­inga og hef­ur til að mynda Sæmund­ur E. Þor­steins­son, lektor við raf­magns- og tölvu­verk­fræðideild Há­skóla Íslands, kynnt þau tæki­færi sem fel­ast í sjálf­siglandi skip­um.

Frétt af mbl.is

Seg­ir tæki­færi í sjálf­siglandi skip­um

Búi til sjálf­bæra sigl­inga­starf­semi

„Hjá Sam­skip­um tök­um við stolt að okk­ur for­ystu­hlut­verk í SeaShuttle brautryðjenda­verk­efn­inu, sem er hluti af stefnu fyr­ir­tæk­is­ins um að gera græna flutn­inga auðvelda,“ seg­ir Are Gråt­hen, for­stjóri Sam­skipa í Nor­egi, í til­kynn­ing­unni. „Með fjár­mögn­un­inni er lagður grunn­ur að því að gera út­blást­urs­lausa gáma­flutn­inga að veru­leika. Sam­skip og Oce­an In­finity munu einnig hraða þróun sinni á sjálf­virkni í skipa­flutn­ing­un­um og á fjar­stýr­ingu bæði skipa og flutn­ings­búnaðar. Skip­in eru fyrsti hluti spenn­andi sam­starfs við Oce­an In­finity.“

„Núna er áhersl­an á SeaShuttle skip­in, sem eru bara hluti af heild­ar­stefnu Oce­an In­finity um að leysa úr læðingi ný­sköp­un sem búi til raun­veru­lega sjálf­bæra sigl­inga­starf­semi. Við þökk­um Enova stuðning­inn við framtíðar­sýn okk­ar. Hann und­ir­strik­ar ein­dregna trú á tíma­mótanálg­un okk­ar og trygg­ir að við get­um haldið áfram á full­um hraða við að koma verk­efn­inu til skila,“ seg­ir Chri­stof­fer Jor­genvag, viðskipta­stjóri Oce­an In­finity.

Kari-Pekka Laak­son­en, for­stjóri sam­stæðu Sam­skipa, seg­ir sjálf­bærni eina af grunnstoðunum í starf­semi Sam­skipa. „SeaShuttle verk­efnið er stórt skref í veg­ferð Sam­skipa í átt að út­blást­urs­laus­um flutn­ing­um. Við sjá­um fyr­ir okk­ur að þetta sam­spil vetn­is, tækni og fram­kvæmd­ar geri kostnað við út­blást­urs­lausa skipa­flutn­inga sam­keppn­is­hæf­an við nú­ver­andi lausn­ir,“ seg­ir hann.

• Blogga um frétt