Nýir kaupendur að Ægi og Tý

Verið er að ganga frá kaup­samn­ingi við nýj­an kaup­anda að varðskip­un­um Ægi og Tý og bú­ist er við að ljúka ferl­inu við lok vik­unn­ar. Þetta staðfest­ir Helena Rós Sig­mars­dótt­ir, lög­fræðing­ur hjá Rík­is­kaup­um. „Það er samt ekk­ert í höfn fyrr en blek er komið á blað,“ seg­ir hún, en fallið var frá öðru kauptil­boði í skip­in fyr­ir mánuði.

Rík­is­kaup aug­lýstu skip­in til sölu síðasta haust og bár­ust þá tvö til­boð í bæði skip­in. Hið hærra var upp á 125 millj­ón­ir en hið lægra upp á 18 millj­ón­ir.

Frétt af mbl.is

Lægsta boð 18 millj­ón­ir fyr­ir tvö varðskip

Ekki varð af kaup­um í sam­ræmi við til­boðið sem var samþykkt vegna þess að sá kaup­andi hafði sett til­tekna fyr­ir­vara sem skip­in stóðust ekki og hann gat ekki fellt út, að sögn Helenu. Þeir kaup­end­ur sem nú hyggj­ast festa kaup á varðskip­un­um tveim­ur eru ekki þeir sömu og gerðu kauptil­boð upp­runa­lega, sem ekki var samþykkt þá.

Nán­ar má lesa um málið í Morg­un­blaðinu í dag. 

Upp­fært kl. 10.20:

Rang­hermt var í frétt­inni að mögu­leg­ir kaup­end­ur nú væru þeir sömu og áður höfðu gert til­boð í varðskip­in. Um nýj­an aðila er að ræða, seg­ir Helena Rósa í at­huga­semd til mbl.is. Þetta hef­ur verið lag­fært og beðist er vel­v­irðing­ar á rang­herm­inu.