Einum bjargað úr báti eftir að eldur kviknaði

Eld­ur kviknaði í bátn­um Gosa fyr­ir utan Rif í morg­un. Að sögn Land­helg­is­gæsl­unn­ar er búið að bjarga mann­in­um sem var um borð.

Þyrla Gæsl­unn­ar var því aft­ur­kölluð.

Upp­fært kl. 10.17:

Maður­inn komst í björg­un­ar­bún­ing og var hon­um bjargað úr sjón­um af nær­liggj­andi fiski­báti.

Að sögn Ásgríms L. Ásgríms­son­ar, fram­kvæmda­stjóra aðgerðasviðs hjá Land­helg­is­gæsl­unni, voru kallaðar út all­ar mögu­leg­ar bjarg­ir vegna elds­voðans, bæði þyrla Gæsl­unn­ar og sjó­björg­un­ar­sveit­ir á Snæ­fellsnesi.

Björg­un­ar­skipið Björg sést hér hjá bátn­um. Ljós­mynd/​Tóm­as Freyr Kristjáns­son

Björg­un­ar­skipið Björg frá Rifi er á leiðinni á staðinn og stend­ur til að færa mann­inn þangað yfir.

Vegna þess hve bát­ur­inn var skammt frá landi barst Gæsl­unni til­kynn­ing frá fólki í landi sem varð vart við eld og reyk í bát und­an Snæ­fellsnesi, norður af Rifi.

Ásgrím­ur seg­ir að veður og sjó­lag hafi verið gott. Hann hef­ur ekki upp­lýs­ing­ar um elds­upp­tök.

• Blogga um frétt