Fannst ómeiddur í björgunarbáti

Skip­verji báts sem kviknaði í á Snæ­fellsnesi í morg­un var bjargað úr gúmmí­björg­un­ar­báti sem var á reki skammt frá brenn­andi bátn­um. Það var fiski­bát­ur­inn Didda SH-159 sem kom hon­um til bjarg­ar rétt fyr­ir klukk­an 10 í morg­un. Maður­inn var ómeidd­ur. 

Þetta kem­ur fram í til­kynn­ingu frá Land­helg­is­gæsl­unni. 

Frétt af mbl.is

Ein­um bjargað úr báti eft­ir að eld­ur kviknaði

Maður­inn er kom­inn um borð í björg­un­ar­skipið Björgu og vinn­ur áhöfn skips­ins að slökkvistörf­um við hinn brenn­andi bát.

Ljós­mynd/​Tóm­as Freyr Kristjáns­son

Fram kem­ur að til­kynn­ing hafi borist stjórn­stöð Land­helg­is­gæsl­unn­ar laust fyr­ir klukk­an 9.30 um að lít­ill fiski­bát­ur væri að brenna skammt norður af Hell­is­sandi. Björg­un­ar­sveit­ir og þyrla hafi verið kölluð út á hæsta for­gangi. Ekki hafi náðst sam­band við bát­inn, sem var stadd­ur um fimm sjó­míl­ur frá landi.

Upp­fært kl. 11.06:

Davíð Már Bjarna­son, upp­lýs­inga­full­trúi Slysa­varn­ar­fé­lags­ins Lands­bjarg­ar, seg­ir mann­inn bragg­ast nokkuð vel og virðist hann ekki hafa andað að sér mikl­um reyk.

Hvað bát­inn varðar á eft­ir að koma í ljós síðar hvort hann get­ur flotið í kjöl­far elds­voðans, að sögn Davíðs Más.

Eng­ar upp­lýs­ing­ar hafa enn borist um mögu­leg elds­upp­tök.

Björg­un­ar­skipið Björg hjá bátn­um í morg­un. Ljós­mynd/​Tóm­as Freyr Kristjáns­son

• Blogga um frétt