Leggur til svæðaskiptingu strandveiða á ný
Setja bókamerki
/frimg/1/42/32/1423205.jpg)
Svandís Svavarsdóttir matvælaráðherra telur að fyrirkomulagið sem nú ríkir á strandveiðum hafi misheppnast.
Hyggst hún leggja fram frumvarp á Alþingi í haust um að taka upp svæðaskiptingu á kvóta strandveiðanna á nýjan leik. Kemur þetta fram í miðopnupistli hennar í Morgunblaðinu í dag.
Smábátasjómenn á Norðausturlandi eru afar óánægðir með fyrirkomulag strandveiða og telja það fela í sér grófa mismunun á milli veiðisvæða, eins og fram kom í fréttaskýringu í Morgunblaðinu í gær.
Örn Pálsson, framkvæmdastjóri Landssambands smábátaeigenda, segir að breytingarnar hafi verið gerðar í þeim tilgangi að tryggja betur öryggi við fiskveiðar og koma í veg fyrir að menn gangi of langt í að keppast við að veiða sem mest fyrstu daga hvers mánaðar. Ákveðið hafi verið að heimila veiðar í ákveðinn dagafjölda í hverjum mánuði, alls 48 daga yfir sumarið.
Vantar meiri kvóta
Hins vegar hafi það gerst að ekki væri nægur kvóti settur inn í þetta kerfi til þess að það nái markmiðum sínum. Setja verði meiri afla inn í það til þess að 48 dagarnir haldi. Það muni gagnast sjómönnum á Norðausturlandi eins og öðrum.
Matvælaráðherra hyggst bæta 870 tonnum af þorski inn í smábátakerfið en Örn Pálsson segir að það þurfi upp undir tvö þúsund tonn til þess að kerfið haldi og ekki þurfi að koma til veiðistöðvunar.
Lesa má nánar um málið í Morgunblaðinu í dag.
Náðun stuðningsmanna Trump vekur ólík viðbrögð
Ætla ekki að skila peningnum
Viðurkennir ábyrgð og segir af sér
Íbúar komnir heim á ný
„Ég hef verið kjaftaskur mikill“
Vonast til að menn sjái alvöru málsins
Ekki of seint að fá inflúensusprautuna