„Þetta var hryllingur“

„Það er ekk­ert eft­ir,“ seg­ir Birg­ir Hauk­dal Rún­ars­son, eig­andi strand­veiðibáts­ins Gosa KE-102, sem brann í morg­un á meðan bát­ur­inn var um tvær sjó­míl­ur norður af Rifi. 

Frétt af mbl.is

Fannst ómeidd­ur í björg­un­ar­báti

Birg­ir er nú á leiðinni vest­ur til að kynna sér málið og til að hlúa að skip­stjór­an­um. Eins og mbl.is greindi frá sakaði sjó­mann­inn ekki og náði hann að koma sér í björg­un­ar­bát og þaðan í nærstadd­an fisk­veiðibát eft­ir að eld­ur komst í bát­inn.

Frétt af mbl.is

Skip­verj­inn kom­inn í land

Sorg­legt að missa bát­inn en samt þakk­lát­ur

Birg­ir seg­ir að hann hafi verið að fara leggja sig í morg­un eft­ir að hafa verið á sjó í alla nótt þegar hon­um bár­ust frétt­ir af slys­inu. „Ég var bara á leiðinni heim í koju í morg­un og þá hringdu í mig aðrir skip­stjór­ar og sögðust hafa heyrt mayday, mayday frá Gosa og að bát­ur­inn væri að brenna,“ seg­ir Birg­ir og bæt­ir við að verst hafi verið óviss­an sem fylgdi þegar hann náði ekki sam­bandi við skip­stjór­ann. „Þetta var hryll­ing­ur,“ seg­ir Birg­ir um þessa upp­lif­un.

Seg­ist Birg­ir þá hafa verið í hálf­gerðu áfalli en að sem bet­ur fer hafi hann síðan fengið upp­lýs­ing­ar frá Land­helg­is­gæsl­unni sem að staðfestu að skip­stjór­inn væri í lagi.  

Að mati Birg­is er það sorg­legt að sjá eft­ir bátn­um Gosa þar sem að bát­ur­inn hef­ur fylgt hon­um um ára­bil. „Það er ekk­ert eft­ir, það er eng­in leið,“ seg­ir Birg­ir og staðfest­ir að um heil­mikið tjón sé að ræða.

Að sögn Birg­is er skip­stjór­inn í lagi en sé skilj­an­lega veru­lega brugðið. Í lok­in tek­ur Birg­ir fram að hann sé þakk­lát­ur þeim sem komu skip­stjór­an­um til bjarg­ar. „Ég er þakk­lát­ur fyr­ir það að hann slasaðist ekki og að ekk­ert tjón var á mann­skap.“

• Blogga um frétt