Vonar að Síldarvinnslan sýni samfélagslega ábyrgð
Setja bókamerki
Tengdar fréttir
Fiskveiðistjórnunin
Katrín Jakobsdóttir forsætisráðherra hefur áhyggjur af kaupum Síldarvinnslunnar hf. á sjávarútvegsfyrirtækinu Vísi. Hún vonar að fyrirtækið sýni samfélagslega ábyrgð og tryggi byggðarfestu.
Þetta kom fram í máli Katrínar við blaðamann mbl.is að loknum ríkisstjórnarfundi í morgun.
Greint var frá því á sunnudaginn að fyrirtækið hefði keypt allt hlutafé Vísis. Í kjölfarið ruku hlutabréf Síldarvinnslunnar upp.
Er hætta á að kvótinn sé að safnast á hendur örfárra?
„Það er ástæða fyrir því að Samkeppniseftirlitið hefur tekið þetta til skoðunar, það er vegna þess að þetta þýðir auðvitað enn meiri samþjöppun í sjávarútvegi á Íslandi. Það eru tvær stofnanir sem eru með þetta til skoðunar, annars vegar Samkeppniseftirlitið og hins vegar Fiskistofa sem mun meta hvort þetta fari yfir kvótaþakið.
„Ég er þeirrar skoðunar að endurskoða þurfi hvernig það er skilgreint og einnig út frá raunverulega tengdum aðilum, en á undanförnum misserum hefur töluverð umræða einmitt verið hvernig við getum skýrt betur hver á kvótann í raun og veru og hvaða aðilar teljast til tengdra aðila. Þar er úrbóta þörf,“ segir Katrín og bætir við:
„Þannig að, já, það eru auðvitað áhyggjur af því að hér sé um mikla samþjöppun að ræða og enn fremur líka raunverulegar áhyggjur af því hvaða áhrif þetta hefur á byggðarlögin. Auðvitað vonast maður til þess að þetta fyrirtæki sýni samfélagslega ábyrgð og tryggi byggðarfestu en við erum auðvitað með sögu sem sýnir að það hefur ekki alltaf verið, heldur hafa einmitt hagræðingarsjónarmið ráðið för.“
Þurfi að skoða þessa miklu tilfærslu á auði
Spurð hvort að með þessum kaupum sé ekki enn erfiðara fyrir aðila að komast inn í geirann segir Katrín:
„Jú, þetta er ástæðan fyrir þeirri miklu vinnu sem matvælaráðherra hefur sett af stað. Við endurskoðuðum auðvitað veiðigjöldin á síðasta kjörtímabili og þau hafa verið að skila meiri tekjum í ríkissjóð núna.
Á móti kemur að það þarf auðvitað að ræða það þegar um er að ræða þessa miklu tilfærslu á auði í tengslum við sjávarútvegskerfið. Þá þarf auðvitað að taka það til sérstakrar skoðunar og ég veit að það er til skoðunar í þeirri vinnu sem matvælaráðherra er að stjórna.“
Tengdar fréttir
Fiskveiðistjórnunin
Fyrsti blaðamannafundurinn í heild sinni
Skattamál verði líklega „þeirra mesta klemma“
Samfylking og Viðreisn gáfu loforð
/frimg/1/53/78/1537870.jpg)
Í kaffi með Vigdísi
Ók á hóp fólks á jólamarkaði: Einn látinn
„Mér finnst gamla Samfylkingin komin aftur“
Funda með þingflokkum
