Gunnþór stefnir í stjórn Arctic Fish
Setja bókamerki
Tengdar fréttir
Fiskeldi
Meirihluti hluthafa í eignarhaldsfélaginu Arctic Fish Holding, sem fer með alla hluti í fiskeldisfyrirtækinu Arctic Fish á Vestfjörðum, hefur lagt til að Gunnþór Ingvason, framkvæmdastjóri Síldarvinnslunnar hf., verði kjörinn í stjórn félagsins á aðalfundi þess sem fram fer 18. júlí.
Þetta kemur fram í tilkynningu Arctic Fish Holding til norsku kauphallarinnar í dag.
Auk Gunnþórs er lagt til að Svein Sivertsen haldi áfram sem stjórnarformaður og að í stjórn verði kjörin þau Charles Høstlund, Hildur Árnadóttir og Bjørn Kleven.
Síldarvinnslan tilkynnti í síðasta mánuði að félagið hefði fest kaup á 34,2% hlut í Arctic Fish Holding fyrir um 13,7 milljarða íslenskra króna.
Mikil áform í Bolungarvík
Arctic Fish er með mikil áform um uppbyggingu í Bolungarvík og er stefnt að því að opna stækkað laxsláturhús með 25 þúsund tonna sláturgetu á næsta ári, alls 5.000 fermetra.
Þá hafa einnig staðið yfir viðræður við Bolungarvíkurkaupstað um að stækka lóð sláturhússins þannig að í viðbyggingu væri hægt að koma fyrir pökkun í neytendaumbúðir, auk hugsanlegrar kassagerðar og mjöl- og lýsisvinnslu úr afskurði frá sláturhúsinu.
Tengdar fréttir
Fiskeldi
„Ég hef verið kjaftaskur mikill“
Þykir gott að flóðin féllu
Viljum hvorki vera Danir né Bandaríkjamenn
Ákvörðun Trumps veldur titringi
„Þetta er ógnvænleg staða“
Bendir hveitifyrirtæki á kærumöguleika
Íbúar komnir heim á ný
Ákærður fyrir tilraun til manndráps