„Það er borin von að við náum vopnum okkar á alþjóðamarkaði ef stjórnmálamenn hér heima hafa það að meginmarkmiði að hindra hagræðingu í rekstri íslenskra sjávarútvegsfyrirtækja,“ skrifar Svanur Guðmundsson, sjávarútvegsfræðingur og framkvæmdastjóri Bláa hagkerfisins, um samþjöppun í sjávarútvegi í aðsendri grein í Morgunblaðinu í dag.

Töluverð umræða hefur skapast um samþjöppun í greininni eftir að Síldarvinnslan tilkynnti að hún hefði fest kaup á Vísi hf. í Grindavík, en Vísir fer með eitt af stærstu hlutdeildunum í aflamarki í þorski á landinu.

Frétt af mbl.is

Vonar að Síldarvinnslan sýni samfélagslega ábyrgð

„Sú samkeppni sem er framundan við alþjóðleg risafyrirtæki kallar á breytingar ef við ætlum að tryggja áfram þá góðu stöðu sem við höfum nú. Skráð almenningsfyrirtæki eins og Síldarvinnslan eru líkleg til að leiða þær breytingar eins og sést af kaupum þeirra á Vísi í Grindavík,“ skrifar Svanur.

Máli sínu til stuðnings bendir hann meðal annars á að þau fyrirtæki sem hin íslensku keppa við eru margfalt stærri. Þá sé eitt það stærsta, Maruha Nichiro, með um þúsund milljarða króna veltu. Á móti eru stærstu 39 sjávarútvegsfyrirtæki hér á landi samanlagt með um 350 milljarða króna veltu.

Jafnframt hafi ákvörðun um 12% kvótaþak ekki verið byggt á rannsóknum og skorti rökstuðning, að sögn Svans sem segir mun meiri samþjöppun í öðrum atvinnugreinum hér á landi.

Grein Svans má lesa í Morgunblaðinu í dag eða hér.

Tengdar fréttir

Fiskveiðistjórnunin

Lilja Rafney yfirgefur VG vegna svika flokksins

• Kristrún vill frekar gjöld en kerfisbreytingar
• Fáar vísbendingar um bættar strandveiðar
• Velgengnin byggð á góðri umgjörð
• Brimi úthlutað mestum kvóta

» Fleiri tengdar fréttir

Síldarvinnslan

Fjölnir til Noregs

• Kaup Síldarvinnslunnar ganga til baka
• Sjóvá og Síldarvinnslan áfram í samstarfi
• Samfélagsspor Síldarvinnslunnar yfir 10 milljarðar
• Þorsteinn Már skaut föstum skotum á SKE

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Sósíalismi, landsbyggðin og Vísir hf.