Íslensku uppsjávarskipin hafa landað rúmlega 18 þúsund tonnum af makríl það sem af er makrílvertíð ársins, eða tæp 12,5% af þeim rúmu 147 þúsund tonnum sem skipin hafa heimild til að veiða.

Samkvæmt upplýsingum á vef Fiskistofu hefur Beitir NK 123 landað mestu magni eða 2.378 tonnum, en þétt á eftir fylgir flaggskip Samherja, Vilhelm Þorsteinsson EA, með 2.269 tonn. Börkur NK og Barði NK, skip Síldarvinnslunnar, eru í næstu sætum með annars vegar 1.956 tonn og hins vegar 1.235 tonn.

Alls hafa hafa 17 uppsjávarskip landað makríl enn sem komið er og hafa 2.437 tonn fengist í íslenskri lögsögu, 522 tonn við Færeyjar og 15.535 tonn utan lögsögu nokkurs ríkis.

Íslensku skipin geta ekki veitt í lögsögu Noregs, Bretlands, Rússlands eða aðildarríkja Evrópusambandsins þar sem enn er deilt um skiptingu heimilda milli þeirra ríkja sem stunda veiðarnar, svokallaðra strandríkja. Sífellt minna af makríl hefur fengist í íslenskri lögsögu og því eru íslensku skipin háð því að vænn makríll leiti á hafsvæði utan lögsögu nokkurs ríkis.

Fjöldi skipa frá er nú á veiðum í Síldarsmugunni beint á milli Noregs og Íslands norðaustur af Færeyjum, þar á meðal íslensku skipin.

Frétt af mbl.is

Vonir um makrílsamning fyrir 2023

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

• Blogga um frétt