Breyttar reglur um hvalveiðar skorti lagastoð
Setja bókamerki
Hvalur hf. telur fyrirhugaðar breytingar á reglugerð um hvalveiðar ekki eiga sér lagastoð. Þetta kemur fram í umsögn Hvals við drög að reglugerð um hvalveiðar sem birtist á samráðsgátt fyrr í mánuðinum.
Með breytingunum er lagt til að skipstjórar hvalveiðiskipa tilnefni dýravelferðarfulltrúa úr áhöfn sem ber ábyrgð á því að rétt sé staðið að velferð hvala við veiðar.
Dýravelferðarfulltrúar skuli sækja námskeið sem skuli vera samþykkt af Matvælastofnun og skuli þeir sömuleiðis safna gögnum um veiðarnar og mynda þær á myndband. Öll gögn og myndefni eigi þá að afhenda eftirlitsdýralækni.
Reglugerðin óskýr og skortir lagastoð
Hvalur segir í umsögn sinni að það sé ljóst að viðhlítandi lagaheimild skorti til þeirrar breytingar sem Svandís Svavarsdóttir matvælaráðherra leggur til.
Lagaákvæðið sem reglugerðin byggist á kveður á um hverjir mega aflífa dýr, hvernig staðið skuli að aflífun og banni við tilteknum aðferðum við aflífun. Ákvæðið kveður ekki á um tilnefningu dýravelferðarfulltrúa.
Hvalur kveðst telja áskilnað um tilnefningu dýravelferðarfulltrúa vera óskýran og í eðli sínu íþyngjandi.
Við setningu íþyngjandi reglugerðarákvæða þurfi skýran og ótvíræðan lagagrundvöll og því sé ráðherrann ekki í þeirri stöðu að þurfa „ekki að fara í gegnum þingið og allt sem því fylgir“.
Þá telur Hvalur vandséð hvernig fyrirhugaðar breytingar samrýmis meðalhófsreglu stjórnsýslu- og stjórnskipunarréttar, en af henni leiðir að stjórnvaldi er ekki aðeins skylt að taka tillit til hagsmuna og réttinda þeirra aðila sem athafnir stjórnvaldsins og valdbeiting beinist að heldur ber stjórnvaldi að fara ákveðinn meðalveg á milli þessara andstæðu sjónarmiða.
Joe Biden: Slakur námsmaður sem varð forseti
Veitti fá svör um banatilræðið við Trump
Ótrúleg atburðarás: 25 dagar frá kappræðum
Brotin eftir greiningarferlið
„Þau eru ónæm fyrir alvarleika málsins“
/frimg/1/9/31/1093106.jpg)
Mohamad ekki sá eini: Þúsundir skipta ár hvert
Neitaði að taka þátt í PISA-könnuninni