Hvalaskoðun skilar dræmri afkomu
Setja bókamerki
CNN Travel hefur uppfært frétt sína um áhrif hvalveiða á orðspor Íslands og ferðaþjónustu. Viðbótin felst í tilvitnunum í Kristján Loftsson, framkvæmdastjóra Hvals hf. Í upprunalegu fréttinni sagði að hann hefði neitað að tjá sig, en Kristján segir það rangt. Hann hafi viljað tjá sig um það sem blaðamaðurinn skrifaði en aldrei fengið neitt sent til að tjá sig um fyrir birtingu. Eftir að greinin birtist, sendi Kristján CNN skriflegar athugasemdir.
Þetta kemur fram í Morgunblaðinu í dag, miðvikudag.
Morgunblaðið greindi frá frétt CNN og fleiri erlendra miðla, um meint áhrif hvalveiða á ferðaþjónustu þann 27. júní, og ræddi þá m.a. við Jóhannes Þór Skúlason, framkvæmdastjóra Samtaka ferðaþjónustunnar. Morgunblaðið leitaði þá viðbragða hjá Kristjáni við frétt CNN en hann ákvað að bíða með viðbrögð þar til nú.
Í grein CNN er m.a. haft eftir Ásbergi Jónssyni, hjá Travel Connect í Reykjavík, að hvalveiðar séu ekki lengur lífvænlegar fjárhagslega. Kristján mótmælir þessu og segir að þvert á móti séu hvalveiðar fjárhagslega lífvænlegar. Fólkið sem vinni við þær fái tekjur og veiðarnar skapi útflutningstekjur fyrir þjóðarbúið.
CNN minnist ekkert á afkomu fyrirtækjanna
Í grein CNN eru bornar saman heildartekjur af hvalaskoðun, sem voru 3,2 milljarðar króna 2017, og heildartekjur Hvals hf. af hvalveiðum það ár, upp á 1,7 milljarða. Þess má geta að Hvalur stundaði ekki hvalveiðar 2017 en seldi þess í stað eldri birgðir. Kristján bendir á að CNN minnist ekkert á afkomu hvalaskoðunarfyrirtækjanna.
Hann segir við CNN að hvalaskoðunarfyrirtækin í heild hafi oft átt erfitt með að skila hagnaði. Auk þess bendi ekkert til þess að hvalveiðar dragi úr fjölda ferðamanna. Fjölgun ferðamanna geti í raun verið vegna hvalveiðanna. Hann benti á það í athugasemdum sínum að árið 2018, þegar síðast voru stundaðar hvalveiðar, þar til nú, hafi komið 2.343.800 ferðamenn til Íslands. Árið eftir, þegar ekki voru veiddir hvalir, hafi komið 2.013.200 ferðamenn. Þeim hafi þannig fækkað þegar ekki voru hvalveiðar.
Meira má lesa um málið í Morgunblaðinu í dag.
Efast um eitt frægasta morðmál Íslands
Vildu yfirráð Íslands á Grænlandi
/frimg/1/54/4/1540428.jpg)
Dýr er dropinn og 53% fara til ríkisins
Ríkisstjórn Trumps virðist ekki átta sig á málinu
„Þetta er algjör eyðilegging“
Íslensk fjölskylda í LA: „Algjört neyðarástand“
Skoða mögulegar verkfallsaðgerðir