Síldarvinnslan boðar til hluthafafundar
Setja bókamerki
Síldarvinnslan hf. hefur boðið til hluthafafundar 18. ágúst næstkomandi. Fyrir fundinn liggur ein tillaga er snýr að aukningu hlutafjár félagsins en aukningin er hluti af kaupum félagsins á Vísi hf. í Grindavík.
Síldarvinnslan tilkynnti 10. júlí síðastliðinn að gengið hefði verið frá samningi um kaup félagsins á öllu hlutafé sjávarútvegsfyrirtækisins Vísis hf. fyrir 20 milljarða króna. Vaxtaberandi skuldir Vísis hf. nema um 11 milljörðum króna og nema viðskiptin því samtals um 31 milljarði króna.
Kaupin fara fram með fyrirvara um samþykkt hluthafa Síldarvinnslunnar og Samkeppninseftirlitsins.
Síldarvinnslan hefur á vef sínum birt fundarboðið og er aðeins hlutafjáraukningin á dagskrá. „Verði tillagan samþykkt er stjórn félagsins veitt heimild til að hækka hlutafé félagsins um kr. 145.939.749 að nafnvirði vegna kaupa félagsins á öllu hlutafé í Vísi hf. Hluthafar falla jafnframt frá áskriftarrétti sínum að hlutafjáraukningunni. Verður heimildin tekin upp í samþykktir félagsins og veitt til 12 mánaða frá dagsetningu samþykktar,“ segir í fundarboðinu.
„Þessi krafa stendur enn óhögguð“
Andlát: Ellert B. Schram
„Það þarf einhverja viðhorfsbreytingu“
Nítján vélum Icelandair seinkaði
Pabbi gafst bara upp
Hafa fengið ábendingar um meinta barnaníðinga
Allt landeldi í uppnámi
„Svakalega öflug lægð“