Meðalverð á eldislaxi á mörkuðum nam 78,94 norskum krónum á kíló, jafnvirði 1.118 íslenskra króna, að lokinni viku 29 (18. til 24. júlí) og hafði verð lækkað um 14,22% frá vikunni á undan samkvæmt laxvísitölu Nasdaq. Gat því fjögurra kílóa lax selst fyrir tæplega 4.500 krónur.

Þrátt fyrir þessa lækkun er verð mun hærra en í sömu viku í fyrra þegar meðalverð var um 65 norskar krónur. Á fjórum vikum hefur meðalverð lækkað um 26,61% og 36,51% á undanförnum tólf vikum.

Algengt er að verð á laxi falli yfir sumartímann en það fer svo að hækka með haustinu, sérstaklega þegar fer að nálgast jól og hækkar fram að páskum. Verðsveiflur hafa þó verið heldur miklar að undanförnu. Í viku 17, dagana 24. til 30. apríl, náði meðalverð á mörkuðum hæstu hæðum en þá seldist að meðaltali hvert kíló af eldislaxi fyrir um 124 norskar krónur, sem jafngildir 1.756 íslenskum krónum. Þetta þýðir að fjögurra kílóa lax hafi á þessum tíma verið seldur fyrir um sjö þúsund krónur, sem er um 56% hærra verð en fékkst í viku 29.

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir