Umsóknir tólf skipa um kaup á viðbótarheimildum í makríl voru samþykktar af Fiskistofu og fengust þær á 5,27 krónur á kíló. Alls voru seldar heimildir fyrir 450 tonnum að verðmæti tæplega 2,4 milljónir króna. Í ágúst hafa fengist um 70 krónur fyrir kíló af makríl að meðaltali á fiskmörkuðum.

Heimildum hefur verið úthlutað í samræmi við viðskiptin og reglugerð um ráðstöfun 4.000 lesta af viðbótarheimildum í makríl, að því er fram kemur á vef Fiskistofu.

Vekur Fiskistofa athygli á því í tilkynningu að með viðskiptunum eru eftir 3.550 tonn í sérstökum makrílpotti sem ætlaður er skipum í B-flokki. „Aðeins skip í B-flokki sem hafa fengið 30 tonn eða minna, eða hafa veitt 75% eða meira af úthlutun sinni geta fengið viðbótarúthlutun. Ef skip hefur áður fengið viðbótarúthlutun, þá þarf það að hafa veitt 50% af þeirri úthlutun til að eiga rétt á nýrri. Hámarksúthlutun skips hverju sinni er 50 tonn og gjald fyrir úthlutun er 5,27 krónur á hvert kíló,“ segir í tilkynningu stofnunarinnar.

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

• Blogga um frétt