Enn stefnir í innflutningsbann á íslenskar afurðir
Setja bókamerki
/frimg/1/37/33/1373342.jpg)
Að óbreyttu stefnir enn í að Bandaríkin setji innflutningsbann á íslenskar sjávarafurðir frá og með 1. janúar 2023. Bannið tengist ákvæðum laga þar vestra um verndun sjávarspendýra.
Íslenskum yfirvöldum var veittur frestur til 30. nóvember 2021 að skila inn gögnum sem sýna fram á að aðgerðir til verndar sjávarspendýra séu sambærilegar hér á landi og í Bandaríkjunum. Slíkum gögnum var skilað í fyrra en ekki hafa borist nein skilaboð frá bandarískum yfirvöldum um það hvort haf- og loftslagsstofnun Bandaríkjanna, National Oceanic and Atmospheric Administration (NOAA), meti aðgerðir Íslands fullnægjandi.
Þetta kemur fram í svari Matvælaráðuneytisins við fyrirspurn 200 mílna.
„Eðli máls samkvæmt standa vonir til að Ísland uppfylli þær kröfur og að ekkert bann verði sett á íslenskar sjávarafurðir. Matið er fyrir afurðir einstakra veiða, almennt er það svo að meðafli sjávarspendýra í íslenskum veiðum er hverfandi, nema í grásleppuveiðum (selur). Í netaveiðum almennt er meðafli aðallega höfrungar, en sá stofn er stór og ekki talin í hættu vegna meðafla,“ segir í svarinu.
Nágrannar neita að láta hljóðmæla
Blasir við að gæðamálum sé ábótavant
Engin merki um eldgos – Hlaupið hefur náð hámarki
Annað jökulhlaup gæti hafist
Þjóðvegurinn skemmdur á 700 metra kafla
Ekki von á frekari hlaupum að svo stöddu
Aukið fjárframlag til varnarmála rætt