Eggert Þór ráðinn forstjóri Landeldis

Eggert Þór Kristófersson hefur verið ráðinn forstjóri Landeldis hf.. Hann tekur við af Halldóri Ólafi Halldórssyni, stjórnarformanni Landeldis, sem sinnt hefur starfi framkvæmdastjóra samhliða stjórnarformennsku.

Þetta kemur fram í tilkynningu frá félaginu. 

Eggert er fæddur árið 1970. Á árunum 1995 til 2008 starfaði Eggert hjá Íslandsbanka og Glitni þ.m.t. sem framkvæmdastjóri eignastýringar Glitnis banka á Íslandi og í Finnlandi.

Eggert tók við starfi framkvæmdastjóra fjármálasviðs N1 árið 2011 og tók við starfi forstjóra N1 í febrúar 2015, sem síðar varð Festi hf., ásamt að hafa verið stjórnarformaður N1, Krónunnar, ELKO, Festi Fasteigna, Bakkans Vöruhótels, Malik Supply A/S og Nordic Marine Oil í Danmörku.

Hann er með Cand. oecon. gráðu á endurskoðunarsviði í viðskiptafræði frá Háskóla Íslands og er jafnframt löggiltur verðbréfamiðlari.

Landeldi hf. var stofnað árið 2017 og rekur seiðaeldisstöð í Hveragerði og áframeldisstöð við Þorlákshöfn.

• Blogga um frétt