Gangur makrílveiðanna hefur bæst til muna og er nú mjög góð veiði við hina svokölluðu íslensku línu í Smugunni, það er að segja við mörkin að íslensku efnahagslögsögunni. Þar eru nú fleiri íslensk skip ásamt færeyskum, grænlenskum og rússneskum uppsjávarskipum.

Á vef MarineTraffic sést vel hvernig hópur skipa veiða nú af miklu kappi á þessu svæði. Þetta er einnig merkilegt fyrir þær sakir að til þessa hefur þurft að sigla ríflega 600 mílur frá landi til að ná makrílnum, en nú er hann aðeins í um 200 sjómílna fjarlægð.

Um er að ræða töluverðan viðsnúning í veiðunum en hingað til hafa þær gengið heldur illa.

Frétt af mbl.is

„Höfum aldrei þurft að sigla svona langt“

Ólafur Gunnar Guðnason, stýrimaður á Berki NK, fullyrðir í færslu á vef Síldarvinnslunnar að mokveiði sé á svæðinu um þessar mundir. Þar segir jafnframt að fiskurinn sé „stór og fallegur“ og að hann gangi hratt í átt að íslensku lögsögunni. Börkur NK er á landleið til Neskaupstaðar með um 1.600 tonn.

Fjöldi skipa eru nú á makrílveiðum við íslensku línuna í Smugunni. Skjáskot/MarineTraffic

„Það er mokveiði núna um það bil 240 mílur frá landi. Þegar við kláruðum okkar síðasta hol átti fiskurinn einungis 13 mílur eftir að íslensku línunni en hann fer 3-4 mílur á klukkustund. Í síðasta holinu fengum við 310 tonn eftir að hafa dregið í fimm og hálfan tíma. Makríllinn sem veiðist núna er stór og fallegur. Þetta er 520-530 gramma fiskur en í honum er dálítil áta. Það þarf svolítið að hafa fyrir því að ná makrílnum þarna því hann er mjög styggur, einkum á daginn,“ segir Ólafur Gunnar.

Í færslunni segir að Beitir NK hafi komið til Neskaupstaðar með rúm þúsund tonn á laugardag, Barði NK, með um 1.200tonn á sunnudag og Bjarni Ólafsosn AK til Færeyja með 900 tonn.

Þá hefur veiðin einnig bæst hjá Hoffelli sem er á landleið með 1.300 tonn af makríl. Fram kemur á vef Loðnuvinnslunnar að veiðin hafi byrjað fremur hægt, en á síðustu 40 klukkustundunum fengust þúsund tonn. Gert er ráð fyrir að skipið haldi til veiða á ný að lokinni löndun.

Tengdar fréttir

Makrílveiðar

„Veiðiárangur er oft spurning um heppni“

• „Þetta gengur mjög rólega og lítið um makríl“
• Fyrsti makríllinn úr íslenskri lögsögu
• Tæplega fimm kíló af makríl fyrir eitt af þorski
• „Verðmætum þessum fylgir líka ábyrgð“

» Fleiri tengdar fréttir

• Blogga um frétt