Síldarvinnslan hf. í Neskaupstað og BioMar Group,alþjóðlegur fóðurframleiðandi fyrir eldisiðnaðinn, hafa undirritað viljayfirlýsingu um byggingu fóðurverksmiðju á Íslandi. Markmiðið er að reisa hér á landi umhverfisvæna verksmiðju þar sem kolefnisspor er lágmarkað með notkun umhverfisvænnar orku.

Stefnt er að því að ljúka viðskiptaáætlunum og taka endanlega ákvörðun um verkefnið fyrir lok árs 2022 og framhaldinu verði hafist handa við byggingu verksmiðjunnar, að því er segir í tilkynningu sem birt hefur verið á vef Síldarvinnslunnar.

„Með verkefninu skapast tækifæri til að nýta framleiðslu Síldarvinnslunnar til fóðurgerðar með þeim aðferðum sem BioMar hefur þróað með ítarlegum rannsóknum. Framleiðsla BioMar er þekkt hér á landi en Laxá hefur flutt inn og dreift framleiðsluvörum BioMar um nokkurra ára skeið,“ segir í tilkynningunni.

Fiskimjölsverksmiðja Síldarvinnslunnar í Neskaupstað. Afurðir fyrirtækisins hafa um árabil verið nýttar erlendis í framleiðslku fóðurs fyrir fiskeldi, en nú er stefnt að því að nýta framleiðsluna hé rá landi í sama tilgangi. Ljósmynd/Síldarvinnslan

Þá er vakin athygli á að fiskeldi hefur vaxið ört á undanförnum áratug og að stefni að frekari vexti, sérstaklega á sviði landeldis. „Ísland er kjörin staðsetning fyrir fóðurframleiðslu þar sem gott hráefni er til staðar og unnt að framleiða með hreinni grænni orku. Á sama tíma mun framleiðslan draga mjög úr þörfinni á að flytja fóður til landsins. Þetta verkefni mun hafa mjög jákvæð umhverfisleg áhrif. Bygging fóðurverksmiðju er mikilvægur þáttur í að auka samkeppnishæfni Íslands og eykur þekkingu okkar á undirstöðu fiskeldis sem byggir á góðu fóðri.“

Síldarvinnslan hefur á undanförnum misserum lagt aukna áherslu á fiskeldi og festi nýverið kaup á 34,2% hlut í eignarhaldsfélaginu Arctic Fish Holding, sem fer með alla hluti í laxeldisfélaginu Arctic Fish á Vestfjörðum. En félagið hefur frá 2002 verið meirihlutaeigandi í fóðurverksmiðjunni Laxá á Akureyri, en Laxá er stærsti framleiðandi fiskafóðurs á Íslandi.

Frétt af mbl.is

Síldarvinnslan kaupir þriðjungshlut í Arctic Fish

Áfangi í aukinni verðmætasköpun

„Við höfum í lengri tíma átt í góðu sambandi við BioMar og þetta samstarfsverkefni fellur vel að starfsemi beggja fyrirtækja. Bæði fyrirtækin leggja mikla áherslu á að hafa sjálfbærni að leiðarljósi og reynsla okkar á sviði framleiðslu fiskimjöls og lýsis með sjálfbærum hætti mun nýtast vel við framleiðslu á hágæðafóðri fyrir íslenskt fiskeldi og fóðrið verður samkeppnisfært við erlent fóður. Þetta er mikilvægur áfangi í aukinni verðmætasköpun á okkar framleiðsluvörum“ segir Gunnþór Ingvason, forstjóri Síldarvinnslunnar, í tilkynningunni.

„Það er mikilvægur hluti okkar stefnu að vaxa og nýta tækifæri sem bjóðast með sjálfbærni að leiðarljósi. Samstarf við Síldarvinnsluna er frábært tækifæri fyrir okkur til að vaxa með íslenska markaðnum á sjálfbæran hátt,“ er haft eftir Carlos Diaz, forstjóra BioMar Group. Með fóðurverksmiðjunni verður BioMar eini alþjóðlegi framleiðandinn með viðveru hér á landi.

Tengdar fréttir

Síldarvinnslan

Jólasíld ársins í fötur

• Samherji tekur Birting á leigu
• Fjölnir til Noregs
• Kaup Síldarvinnslunnar ganga til baka
• Sjóvá og Síldarvinnslan áfram í samstarfi

» Fleiri tengdar fréttir

• Blogga um frétt