Dróna svissnesku fjölmiðlamannanna hefur verið skilað til lögreglu, eftir að starfsmenn Hvals höfðu tekið hann í sínar vörslur og neitað að láta af hendi. 

Þetta staðfestir Ásmundur Kr. Ásmundsson yfirlögregluþjónn á Vesturlandi. Drónanum var skilað um helgina.

„Við vorum komin með úrskurð sem heimilaði okkur að fara og sækja tækið, en starfsfólkið afhenti tækið áður en við þurftum að ráðast þangað inn, sem var farsæl lausn.“

Frétt af mbl.is

„Níu ógnandi starfsmenn Hvals“

Málinu hvergi nærri lokið

Dróninn er nú kominn til eigenda sinna og þeir farnir af landi brott. Málinu er þó hvergi nærri lokið, að sögn Ásmundar. 

Bæði Hvalur og fjölmiðlamennirnir lögðu fram kæru og nú fer fram rannsókn á málinu innan rannsóknardeildar lögreglunnar á Vesturlandi.

Svo fer málið til saksóknara sem tekur ákvörðun um framhaldið í hvoru máli fyrir sig.

Frétt af mbl.is

Lögreglan hótar húsleit í hvalstöðinni

Þurftu leyfi Hvals til þess að fara nær en 150 metra

„Þegar einhver tekur hlut er það flokkað sem gripdeild eða þjófnaður. Þarna er tæki tekið en það er auðvitað á víðavangi og á landi Hvals ehf. Hvalur hefur kært drónaflugið og svo auðvitað hefur fjölmiðillinn kært það að þeir tóku tækið.“

Ásmundur segir drónaflug vera vaxandi vandamál. Lögreglan sé til að mynda farin að fá tilkynningar um drónaflug inni í sumarbústaðabyggðum.  

„Reglur Samgöngustofu eru alveg skýrar með drónaflug. Í Hvalfirði hefði þetta átt að vera 150 metrar út frá hliðum og svo mega þeir ekki fara ofar en 120 metra. Þannig hefði dróninn ekki mátt fara nær athafnasvæði Hvals en 150 metra, nema þá með sérstöku leyfi Hvals ehf.“

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

• Blogga um frétt