Þrátt fyrir að makríllinn hafi stefnt í átt að Íslandi og íslensku uppsjávarskipin hafa getað stundað veiðar í íslensku lögsögunni, hefur veiðin ekki verið nógu kraftmikil og vonað var. Enn eru rúmlega 54.500 tonn eftir af makrílkvóta ársins eða ríflega 36% af úthlutuðum aflaheimildum, að því er fram kemur í aflastöðulista Fiskistofu.

„Veiðin var heldur treg þegar við vorum úti en hún hefur glæðst. [...] Það eru töluverðar sveiflur í veiðinni,“ segir Tómas Kárason, skipstjóri á Beiti NK, í færslu á vef Síldarvinnslunnar.

Frétt af mbl.is

Mokveiði á makríl sem stefnir í átt að Íslandi

Aflastaðan misjöfn

Aflastaðan er þó misjöfn milli skipa og segir Tómas makrílkvótann langt kominn hjá skipunum sem landa hjá Síldarvinnslunni, en Beitir kom til Neskaupstaðar á laugardag með 920 tonna afla sem fór allur til manneldisvinnslu í fiskiðjuveri Síldarvinnslunnar. Rúm 800 tonn voru makríll en einnig fylgdu rúm 60 tonn af síld og tæp 50 tonn af kolmunna.

„Í veiðiferðinni tókum við sjö hol og fór aflinn úr þremur þeirra um borð í Vilhelm Þorsteinsson. Við fengum síðan afla úr fjórum holum frá Barða. […] Nú eru menn farnir að hugsa til síldarvertíðar og á landleiðinni núna tókum við eina stutta síldarsköfu á Héraðsflóanum. Það var áhugi fyrir því að skoða ástand síldarinnar og því var þetta gert. Við fengum þarna 60 tonn af gullfallegri norsk-íslenskri síld. Ég reikna með að þetta hafi verið um 400 gramma síld. Ég trúi vart öðru en þessi síld gefi góð fyrirheit um síldarvertíðina sem framundan er,“ segir Tómas.

Aðfararnótt mánudags kom Barði NK til Neskaupstaðar með um þúsund tonn af makrílmiðunum og fékks aflinn í íslensku lögsögunni.

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

• Blogga um frétt