Bolfiskvinnsla SVN byggist upp á suðvesturhorninu
Setja bókamerki
„Það var svo sem engin markviss ákvörðun um að nú væri tíminn runninn upp eða eitthvað svoleiðis. En það var orðið ljóst að öll svona fyrirtæki hafa sinn líftíma í óbreyttu formi. Við hluthafar erum flest á bilinu 60 til 70 ára gömul. Á einhverjum tímapunkti þurfti eitthvað að gera. Við vorum búin að skoða tvo alvörumöguleika á samstarfi og sameiningu [m.a. við Þorbjörn hf.]. Hópurinn sem á í fyrirtækinu, beint eða óbeint, telur um 60 manns. Það var vilji okkar og skylda gagnvart foreldrum okkar að tryggja starfsemina áfram og að reksturinn yrði í Grindavík,“ svarar Pétur Hafsteinn Pálsson, framkvæmdastjóri og einn eigenda Vísis hf., spurður hvað hafi orðið til þess að ákveðið hafi verið að selja.
Það hafi síðan borist tilboð um sameiningu frá Síldarvinnslunni.
Pétur segir eigendum Vísis hafa litist vel á Síldarvinnsluna og þau framtíðartækifæri sem rekstrinum í Grindavík stendur til boða með breytingunni. Þ.e.a.s að bolfiskvinnsla Síldarvinnslunnar byggist upp á suðvesturhorninu.
Pétur ræðir söluna á fjölskyldufyrirtækinu Vísis hf. til Síldarvinnslunnar í ítarlegu viðtali í 200 mílum, sérblaði um sjávarútveg sem fylgir Morgunblaðinu í dag.
Segja KÍ hafa leitt skólakerfið í öngstræti
Óráðleg og afdrifarík ákvörðun skólayfirvalda
Börnum mismunað eftir búsetu á Íslandi
Fossvogslaug ekki í áætlunum Kópavogs
Hver var hvati Crooks?
Mega gefa einkunnir í tölum, bókstöfum og litum
Brotin eftir greiningarferlið