Aflaverðmæti 100 milljarðar á fyrri hluta árs

Verðmæti afla við fyrstu sölu nam rúmum 100 milljörðum króna á fyrri hluta ársins 2022 sem er 27% aukning samanborið við sama tímabil í fyrra, þegar aflaverðmæti var tæplega 79 milljarðar.

Þetta kemur fram í tilkynningu frá Hagsofu Íslands.

Verðmæti botnfiskafla var um 70 milljarðar, uppsjávarafla um 25 milljarðar og flatfiskafla um 5 milljarðar.

Landað aflamagn á tímabilinu 1. janúar til 30. júní var 852 þúsund tonn, sem er 67% aukning frá sama tímabili í fyrra. Afli uppsjávartegunda var 603 þúsund tonn á fyrri hluta ársins og er það 163% aukning.

Botnfiskafli var 236 þúsund tonn á fyrstu 6 mánuðum ársins og dróst saman um 11% samanborið við fyrra ár.

• Blogga um frétt