„Trúum því að góðir hlutir gerist hægt“
Setja bókamerki
Fleiri samverkandi þættir urðu til þess að rekstur Iceland Seafood í Bretlandi hefur reynst mjög erfiður, en Bjarni Ármannsson, forstjóri félagsins, kveðst enn vongóður um að takist að ná jafnvægi í rekstrinum.
Þetta er meðal þess er fram kemur í viðtali við Bjarna í blaði 200 mílna sem fylgdi Morgunblaðinu um helgina.
„Launakostnaður hefur aukist töluvert, það er erfiðara að fá vinnuafl, eftir Covid hefur vinnuvilji fólks minnkað. Það er líka ljóst að Bretland hefur reitt sig á framleiðslu frá Austur-Evrópu og Kína í heilmiklum mæli, og framleiðslueiningar þar eru minna sjálfvirknivæddar en maður sér annar staðar í Evrópu. Færri fara frá Evrópu til Bretlands í atvinnuleit í kjölfar Brexit. Allt sem lýtur að pappírsvinnu og tollagerð sem gerir vörum kleift að fara á milli hefur breyst. Þessir fríverslunarsamningar sem um var rætt um við stór hagkerfi eins og Japan og Bandaríkin hafa tekið lengri tíma og skilað minna en vænst var til,“ útskýrir Bjarni.
Markmiðið nú sé að ná að gera verksmiðjustarfsemina í Bretlandi arðbæra, að sögn Bjarna. „Við trúum því að góðir hlutir gerist hægt.“
Viðtalið má lesa í blaði 200 mílna.
Hellisheiði og Þrengsli ekki opnuð í dag
Býst við meiri aðsókn í janúar
Fuglager í Grindavík: „Þetta var bara pínu magnað“
Var að slitna frá bryggju sökum hvassviðris
38 létust í flugslysi
Í þögn hjartans
Éljagangur en síðan slydda eða rigning
Spá 13-18 stiga frosti í borginni