Áttunda forvarnarveggspjald Samgöngustofu í þágu aukins öryggis á sjó undir merkjum „12 hnúta“ kom nýverið út. Umfjöllunarefnið að þessu sinni er sú hætta sem stafað getur af skorti á hæfni til samvinnu. „Það getur m.a. birst í einstrengingslegri afstöðu eða hegðun sem getur leitt til rangra ákvarðana og ótta fólks við að taka þátt í mikilvægri umræða t.d. á ögurstundu,“ segir í tilkynnignu frá stofnuninni.

Veggspjaldið vekur athygli á mikilvægi þess að lögð áhersla á að leitað sé álits samstarfsfólks. „Því það skiptir ekki máli hver hefur á réttu að standa heldur hvað sé rétt.“

Áttunda veggspjald 12 hnúta. Mynd/Samgöngustofa

Þá var í júlí gefið út sjöunda veggspjaldið en þar var farið yfir þá hættu sem íþyngjandi kröfur geta skapað áhöfn og skipi.  „Vitanlega heyrir það til undantekninga að t.d. fjárhagsleg verðmæti séu sett ofar öryggi áhafnar en ef það finnst ein slík undantekning þá er það einni of mikið,“ segir á vef Samgöngustofu um viðfangsefnið.

„Ef svo ólíklega vill til að gerðar séu íþyngjandi kröfur sem stefnt geta áhöfn í hættu hvetjum við menn til að sýna staðfestu og setja ætíð öryggi báts og áhafnar í forgang. Skoðið sérstaklega þær fyrirbyggjandi aðgerðir sem tilgreindar eru hægra megin á spjaldinu.“

Sjöundaveggspjald 12 hnúta. Mynd/Samgöngustofa

Verkefnið „12 hnútar“ snýr að útgáfu tólf veggspjalda, eitt í hverjum mánuði þessa árs. Þau er unnin með helstu sérfræðingum í öryggismálum sjómanna, sem eru skólastjóri, kennarar og leiðbeinendur Slysavarnaskóla sjómanna.

Fjöldi fyrirtækja, stofnana og samtaka styðja við verkefnið.

Frétt af mbl.is

Hefja átak gegn slysum á sjó

Tengdar fréttir

Öryggi sjófarenda

Munaði litlu að báturinn sykki

• Náðu að bjarga sjón háseta
• Heppinn að hafa náð að kalla eftir hjálp
• Björgunarskipið Þór selt til Súðavíkur
• Líklega hjálmi að þakka að ekki fór verr

» Fleiri tengdar fréttir

• Blogga um frétt