Sigsteinn Grétarsson til liðs við Baader

Sig­steinn Grét­ars­son hef­ur verið ráðinn í starf for­stjóra Skag­ans 3X og Baader Ísland, að því er fram kem­ur í frétta­til­kynn­ingu. Þar seg­ir að ráðning­in sé liður í að styrkja stöðu dótt­ur­fé­laga Baader á Íslandi.

Sig­steinn hef­ur mikla sérþekk­ingu á sjáv­ar­út­vegi og hef­ur gegn­gt nokkr­um stjórn­un­ar­stöðum á þessu sviði. Hann starfaði í tæp­lega tvo ára­tugi hjá helsta keppi­nauti Baader, Mar­el, og gegndi þar meðal ann­ars stöðu aðstoðarfor­stjóra.

Stjórn­endat­eymið hef­ur verið í nokk­uri mót­un frá því að Baader eignaðist allt hluta­fé í Skag­an­um 3X og bæt­ist ráðning Sig­steins við ný­lega ráðningu Jóns Birg­is Gunn­ars­son­ar í stöðu fram­kvæmda­stjóra sölu- og markaðsmá­la. Í til­kynn­ing­unni seg­ir jafn­framt að Guðjón M. Ólafs­son mun taka við starfi fjár­mála­stjóra, en Jef­frey Dav­is, for­stjóri ISEA Partners, mun áfram gegna starfi stjórn­ar­for­manns.

Frétt af mbl.is

Baader eign­ast allt hluta­fé í Skag­an­um 3X

Sig­steinn seg­ir spenn­andi verk­efni framund­an „Baader hef­ur verið horn­steinn í Íslensk­um sjáv­ar­út­vegi í yfir 60 ár og hef­ur við góðan orðstír leitt sjálf­virkni í tækja­búaði.  Verk­efn­in halda áfram og við ætl­um okk­ur að vera sá aðili sem er leiðandi í góðu sam­starfi við ís­lensk­an sjáv­ar­út­veg.“

Haft er eft­ir Robert Focke, for­stjóra fiskiðnaðar Baader í Þýskalandi, í til­kynn­ing­unni að ráðning­in sé mik­il­væg til að styrkja ís­lenska stjórn­endat­eymið og að ráðning­in sé lyk­il skref í áætl­un­um um að vera leiðandi á sviði heild­ar­lausna fyr­ir vinnsl­ur mis­mun­andi teg­und­ir fiska.   

• Blogga um frétt