Heldur færri hvalir á land en 2018

Rúmlega 100 langreyðar eru komnir á land í hvalstöð Hvals hf. í Hvalfirði. Eru það heldur færri hvalir en á sama tíma 2018, þegar hvalveiðar voru síðast stundaðar hér við land, eða 104 dýr nú á móti 117 þá.

Tíðin hefur verið óhagstæð fyrir sjómennina á hvalbátunum tveimur í sumar og skyggni oft lélegt. Það hefur hamlað veiðum að sögn Kristjáns Loftssonar, forstjóra Hvals hf.

Fjallað er um málið í Morgunblaðinu í dag.