„Allar stofnanir þurfa að forgangsraða“
Setja bókamerki
„Það er mín von að með markvissri notkun á rafrænu eftirliti mun okkur takast samhliða að bæta eftirlit en jafnframt gera það skilvirkara,“ svarar Svandís Svavarsdóttir, matvælaráðherra, er hún er innt álits á fullyrðingum um að mannekla hafi orðið til þess að Fiskistofa hafi ekki getað brugðist við ábendingum um brot.
„Í árslok 2021 veitti ráðuneytið Fiskistofu sérstaka fjárveitingu upp á rúmar 31 milljónir króna til að vinna að fjórum umbótaverkefnum; nýrri vefsíðu, smíði innri kerfa, stafrænni umsóknagátt og tæknivæðingu eftirlits. Vert er að hafa í huga að ekki er langt síðan rafrænt eftirlit hófst að einhverju marki á vegum opinberra stofnana og eðlilega tekur tíma að byggja upp þekkingu, tækjakost og þjálfa sérfræðinga,“ segi Svandís.
Í nýjast blaði 200 mílna var haft eftir Elínu B. Ragnarsdóttur, sviðsstjóra veiðieftirlits hjá Fiskistofu, að vegna hagræðingarkröfu hafi eftirlitsmönnum heldur fækkað að undanförnu.
„Segja má að við séum að keyra eftirlitið á algjörri lágmarksmönnun. […] Í sumar höfum við því miður ekki haft burði til að bregðast við ábendingum, höfum ekki haft mannskap í það. Við reynum að keyra öflugt eftirlit með þeim mannauði og verkfærum sem við höfum yfir að ráða,“ sagði Elín.
Fiskistofu fyllilega treyst
„Líkt og fram kemur í viðtalinu hefur undanfarið verið lögð aukin áhersla á rafrænt eftirlit. Sem matvælaráðherra hef ég stutt þær áherslur með framlagningu frumvarps um breytingu á lögum til að styrkja lagaheimildir Fiskistofu og eftirlit á vegum stofnunarinnar. Hafa ber í huga að fæstar opinberar stofnanir eru í fullri starfsemi yfir sumartímann og gildir það einnig um Fiskistofu,“ útskýrir Svandís.
Þá segir hún aðhaldskröfur viðvarandi verkefni opinberra stofnanna. „Allar stofnanir hins opinbera þurfa að forgangsraða í sinni starfsemi til þess að ná því markmiði sem aðhaldskrafan er ætlað að ná fram, þ.e.a.s. skilvirkari opinberum rekstri. Fiskistofu og fiskistofustjóra er fyllilega treyst til þess verkefnis.“
Framkvæmdir í uppnámi
Veitti fá svör um banatilræðið við Trump
„Þau eru ónæm fyrir alvarleika málsins“
Joe Biden: Slakur námsmaður sem varð forseti
Einsdæmi að ekki séu samræmd próf
Ótrúleg atburðarás: 25 dagar frá kappræðum
Hefur tryggt sér stuðning nógu margra kjörmanna
Svona voru síðustu dagarnir: „Ég þarf viku“