Mikil síld á miðunum austur af landinu

Töluvert af síld er nu á miðunum rétt austur af landinu, að sögn Sturla Þórðarsonar, skipstjóra á Beiti NK. Skipið kom til hafnar í Neskaupstað með 1.345 tonn sunnudagsmorgun og hófst um leið vinnsla flans í fiskiðjuveri Síldarvinnslunnar, að því er fram kemur í færslu á vef útgerðarinnar.

„Við fengum aflann í norðurkanti Seyðisfjarðardýpis og í Héraðsflóanum. Þetta voru fjögur hol og var dregið í 4-5 tíma. Stærsta holið var rúm 400 tonn og hið minnsta 200. Síldin er eins og krapi í yfirborðinu í myrkrinu en á daginn eru þetta dreifðar torfur niðri,“ segir Sturla í færslunni.

Síðastliðinn sunnudag hélt Börkur NK til síldarveiða og er gert ráð fyrir að skipið komi til löndunar í dag. Barði NK, sem landaði 1.200 tonnum af síld í Neskaupstað fyrir helgi, hélt einnig til veiða á sunnudag en skipið leitar nú makríl.

• Blogga um frétt