Komu til Grindavíkur með 208 kílóa túnfisk

Í gærkvöldi kom Ísey EA 40 til hafnar í Grindavík með 2,5 metra langan bláuggatúnfisk og vó hann hvorki meira né minna en 208 kíló, að því er fram kemur á vef Grindavíkurhafnar. Þar segir Grétar Þorgeirsson, skipstjóri á Ísey, að túnfiskurinn hafi fengist sunnan við Eldey.

Dragnótabáturinn Ísey landaði alls 3,4 tonnum í Grindavík.

Túnfiskurinn er langt frá því að vera sá fyrsti sem landað er í Grindavík en árin 2014 til 2016 var Jóhanna Gísladóttir GK, skip Vísis hf., gert út á túnfisk. En utan þess hefur ekki verið mikill áhugi á veiðunum, en stjórnvöld vonast að breyting verði þar á og hafa stefnt að því að heimila hérlendum útgerðum að taka á leigu erlend sérhæfð túnfiskskip.

Frétt af mbl.is

Vilja að Íslendingar hefji túnfiskveiðar á ný

Á hverju ári sigla fjöldi asískra skipa á Norður-Atlantshaf í þeim tilgangi að veiða bláuggatúnfisk og sigla síðan með aflann aftur til heimahafnar. Alls er um að ræða 9.500 sjómílna ferð höfn í höfn.

Frétt af mbl.is

Tugir asískra skipa suður af landinu

• Blogga um frétt