Langmestum bolfiskafla landað í Reykjavík

Á fiskveiðiárinu 2021/2022, sem lauk 31. ágúst síðastliðin, var mesta bolfiskafla landað í Reykjavík á fiskveiðiárinu. Alls 65,8 þúsund tonn sem er 30 þúsund tonnum meira en í Grindavík þar sem næst mestum bolfiskafla var landað. Samanlagt var í Reykjavík og Hafnarfirði landað tæplega 20% alls bolfiskafla.

Á fiskveiðiárinu var í heild landað 1.497.415 tonnum í íslenskum höfnum. Þar af mest í Neskaupstað eða 236.752 tonn sem er 15,8% af öllum afla sem landað var á landinu. Þar vegur uppsjávarfiskurinn þungt enda var þar landað yfir 222 þúsund tonnum af honum.

Landað var rétt rúmlega 630 þúsund tonnum af uppsjávarafla á Austurlandi sem um 62% af öllum uppsjávarafla sem landaður var á landinu. Næst mest var landað á Suðurlandi, en þar eru Vestmannaeyjar veigamiklar.

• Blogga um frétt