Bíða aðstoðar krana

„Þeir eru hætt­ir núna að reyna að dæla upp úr hon­um og bún­ir að binda hann við skipið svo hann sökkvi ekki enn meira,“ seg­ir Trausti Leó Gunn­ars­son, hafn­ar­vörður á Rifi, í sam­tali við mbl.is um dýpk­un­arpramma með vinnu­skúr­um og gröfu á sem mar­ar í hálfu kafi í höfn­inni þar.

Frétt af mbl.is

Dýpk­un­arprammi sekk­ur á Rifi

Seg­ir Trausti hefðbundn­ar ráðstaf­an­ir hafa verið gerðar til að koma í veg fyr­ir ol­íu­meng­un en þær fel­ast í að koma flot­g­irðingu fyr­ir í sjón­um um­hverf­is pramm­ann. „Það er ein­hver olía um borð skilst mér en við sjá­um ekki að það hafi lekið mikið frá pramm­an­um,“ held­ur Trausti áfram.

Nú sé beðið eft­ir krana að sunn­an til að hífa pramm­ann upp, annaðhvort á þurrt land eða nægi­lega hátt í sjón­um svo dæla megi úr hon­um, og mun kran­inn vænt­an­leg­ur á næst­unni, að sögn Trausta.

• Blogga um frétt