Dýpkunarprammi sekkur á Rifi

Dýpkunarprammi sekkur nú í Rifshöfn á Snæfellsnesi á honum eru vinnuskúrar og grafa. Ekki hefur verið talin hætta á manntjóni, en engin hefur verið um borð og sekkur pramminn hægt, að sögn Trausta Leó Gunnarssonar, hafnarvarðar á Rifi.

„Þetta er ekki alveg sokkið, en er að sökkva. Þetta er dýpkunarprammi sem sekkur,“ segir Trausti. Hann segir það hafa uppgötvast í nótt að pramminn væri farinn að sökkva og var þá viðbragðsaðilum gert viðvart. Á staðnum eru bæði björgunarsveitarmenn og tveir slökkviliðsbílar.

Unnið er að því að koma í veg fyrir olíumengun vegna prammans og hefur því verið sett út slanga í kringum hann.

Grafan er á kafi. Ljósmynd/Aðsend

Ljósmynd/Þröstur Albertsson

Ljósmynd/Aðsend

• Blogga um frétt