Arnarlax hefur hlotið vottunina Aquaculture Stewardship Certification (ASC) fyrir eldisstöð sína Foss í Arnarfirði, að því er fram kemur í fréttatilkynningu. Um er að ræða alþjóðlega umhverfisvottun fyrir fiskeldi sem fiskeldisiðnaðurinn og World Wildlife Fund for Nature (WWF) þróuðu í sameiningu.

Fram kemur í tilkynningunni að með vottuninni skuldbindur eldisstöðin Foss sig til að draga úr áhrifum á vistkerfi á staðnum, oft umfram það sem lög og reglur gera kröfu um.

„Það er mikil viðurkenning fyrir Arnarlax að hljóta þessa vottun fyrir eldisstöðina okkar í Fossfirði í Arnarfirði enda ströng skilyrði sem þarf að uppfylla. Nú eru öll virk eldissvæði okkar ASC-vottuð og leggjum við mikla áherslu á að starfsemi stöðvanna hafi sem minnst áhrif á náttúruna og lífríkið í kring. Því veitir ASC-vottunin okkur mikla hvatningu í áframhaldandi framfaravinnu í sátt við umhverfi og samfélag,“ segir Silja Baldvinsdóttir, gæðastjóri Arnarlax.

Tengdar fréttir

Fiskeldi

Telur lúsina sameiginlega áskorun

• Lús smitar út frá kvíum í villta laxa
• Met sett í vinnslunni í október
• Rannsaka mikinn seiðadauða í Fáskrúðsfirði
• 2024 líklegast metár eldisafurða

» Fleiri tengdar fréttir

• Blogga um frétt